Se ç’ka ndodhur me dosjet e sigurimit të shtetit, këtë e merr me mend çdo shqiptar që i ka pat dy gram mend në kokë. Nëpër gazetat e ditës së sotme ka shumë analiza që e argumentojnë faktin e shpërdorimit të këtyre dosjeve, nga agjenti serb që qeverisi këtë vend. Që ai arriti deri sa të na bëjë një dëm kaq të madh, sigurisht që nuk është pa përgjegjësi çdo shqiptar i vërtetë. Dhe ai e bëri punën e tij gjithë helm, plumb e pabesi nga më të pashembulltat që ka njohur ky vend.
Nga Murat Aliaj
Deri në këtë pikë të dhimbshme arriti mjerimi shqiptar, sa një bastard serb të na rrëfente se kush është shqiptar e kush jo. Jo se është hera e parë që e ka bërë këtë, por sepse duke e njohur se me ç’pleh kemi të bëjmë, e kemi lënë të trokëllijë.
Pisllëku i fundit, goditja përmes një kartele të stisur të Kozma Janos, është një ulërimë që duhet të çjerrë çdo vesh. Ne që e kemi jetuar aktivisht atë kohë, e dimë mirë se nga ç’shtresa i zgjidhte spiunët dhe qelbësirat PPSH−ja. Kozma Jano ishte dhe mbeti në pozita të tilla që s’kishte asnjë arsye të ishte i tillë, përveç përkushtimit ndaj atdheut dhe popullit. E në se për këtë arsye është rekrutuar, unë i heq kapelen si patriot i klasit të parë. Mirëpo Kozma Jano ka qënë polic, i detyruar t’i shërbeje rendit të vendit të vendit dhe s’kish pse rekrutohej, pasi ishte vetvetiu i rekrutuar e madje me uniformë e jo i fshehur. Pra, spiunët dhe antishqiptarët le ti kërkojnë buzës së Lanës në atë ndërtesën famëkeqe…
Se ç’ka ndodhur me dosjet e sigurimit të shtetit, këtë e merr me mend çdo shqiptar që i ka pat dy gram mend në kokë. Nëpër gazetat e ditës së sotme ka shumë analiza që e argumentojnë faktin e shpërdorimit të këtyre dosjeve, nga agjenti serb që qeverisi këtë vend. Që ai arriti deri sa të na bëjë një dëm kaq të madh, sigurisht që nuk është pa përgjegjësi çdo shqiptar i vërtetë. Dhe ai e bëri punën e tij gjithë helm, plumb e pabesi nga më të pashembulltat që ka njohur ky vend.
Mirëpo problemi shkon edhe më tej duke u trashur e duke rrëfyer përralla, për të njollosur një nga familjet më të mrekullueshme. Të atin e Kozmait e njeh dhe e ka nderuar një Myzeqe e tërë, si burrë trim e të besës. Të tillë e kam njohur edhe unë që ndjej detyrim moral t’i shkruaj këto radhë. Përveç tij, kam njohur edhe katër nga të shtatë bijtë e tij. Kam njohur Kristaqin me të cilin kam punuar jo pak, por nja 20 vjet në naftë, kam njohur Jovanin, Mihalin e Kozmain. Njeri më i mirë se tjetri. Këta njerëz nuk pres t’i njoh nga zhgarravinat e mafies së shpellarëve, pasi më mjaftoi një jetë e tërë. Ajo që desha të them është se s’duhet të harrojmë që gjarpëri ka lënë vezët në folenë tonë dhe këtë mallkim do e vuajmë gjatë.
Nuk më intereson fare në do zgjidhet apo jo Kozma Jano në atë vend ku propozohet, por më shqetëson fakti që hesapet e shtëpisë sonë, po vazhdon të na i bëjë, sipas mënyrës së tij agjenturore serbe.
