Rusia ka filluar të ripozicionojë rreth 20% të forcave të grumbulluara rreth kryeqytetit të Ukrainës, Kiev, ka thënë Pentagoni.
Një zëdhënës ka paralajmëruar se Rusia pritet t’i ripërtërijë dhe rifurnizojë trupat, e jo t’i kthejë në shtëpi.
John Kirby tha se disa nga forcat ruse mund të jenë zhvendosur tashmë në Bjellorusi, të gatshëm për t’u rikthyer sërish.
Ai tha gjithashtu se kontraktori rus Wagner Group kishte vendosur rreth 1000 kontraktorë në rajonin e Donbasit të Ukrainës, të cilin Moska e ka shpallur prioritet.
SHBA-ja e ka parë Rusinë të bëhet “shumë më aktive” në rajonin e Donbasit “gjatë ditëve të fundit”, shtoi Kirby.
“Ne mendojmë se grupi Ëagner tani ka rreth 1000 njerëz të dedikuar për Donbas. Ne i kemi parë ata të kenë prioritet sulmet ajrore në zonën e Donbasit”, citohet të ketë thënë Kirby.
“Kontraktorët e Wagner kanë luftuar në Donbas “gjatë tetë viteve të fundit, kështu që kjo është një zonë ku grupi Wagner ka përvojë”, theksoi Kirby.
