Pallati 64 kate në qendër të Tiranës duket se është llokma që Edi Rama ja ka bërë duratë Sali Berishës me kushtin e vetëm për të mbytur opozitën shqiptare dhe ta lërë sa më shumë të fragmentarizuar. Atë që prej kohësh gazeta
Sot e ka shpalosur si Pazar të dyshes Rama-Berisha e konfirmoi ndërtimi i kësaj kulle në qendër të Tiranës. Kjo kullë është një amalgamë interesash midis Zamirit, Ramës dhe Shkëlzen Berishës. Një nga zërat që ka konfirmuar më në fund është një nga mediat afër Ramës që mesa duket nuk ka arritur ta mbllaçisë këtë ushqim helmues i dyshes Rama-Berisha.
Në faqen online të gazetës Tema botuesi Mero Baze ka hedhur një reagim të tijin në emisionin e Ylli Rakipit ku bën evident denoncimin e kësaj masakre urbane, por edhe politike ku “Van Der Lybe” Sali po i vë flakën opozitarizmit shqiptar.
Reagimi i plotë i Tema:
Ndërsa në qendër është duke u ndërtuar një kullë në vend të një parku, Sali Berisha dhe opozita kanë mbyllur gojën. Kjo është një praktikë në fakt, që ata e ndjekin me kohë, kur pjesë e fitimit janë biznesmenët e tyre dhe ata vetë.
Mero Baze disa javë më parë, i ftuar tek Ylli Rakipi, tregonte pikërisht këtë gjë, se si e korruptonte Edi Rama opozitën me anë të lejeve të ndërtimit.
Sipas Bazes, Rama dhe qeveria u ka “ndarë” përfitime të mëdha financiare, përfshirë edhe një resort dhe një kullë 64 kate në Tiranë, njerëzve pranë Berishës dhe të birit të tij Shkëlzenit, në mënyrë që ata të jenë të kënaqur, të vazhdojnë qëndrimin në opozitë dhe kështu të sigurojnë qëndrimin e përhershëm të Ramës në pushtet.
Baze tha se kompromentimi i opozitës në këtë mënyrë, është një “llogari regresive” që nuk i shërben vendit dhe nuk lejon daljen e politikanëve dhe kundërshtarëve me të cilët mund të ketë vërtetë garë.
“Problemi që kam unë dhe që e kam me Edi Ramën dhe qeverinë e socialistëve, të cilët ashtu siç janë, me të mirat dhe të këqijat e tyre, kanë një të metë themelorë, që shoqëritë si këto tonat, që duhet të ringrihen patjetër në luftën kundër korrupsionit nuk duhet ta kenë, këta janë njerëz që e dinë që Berisha është hajdut familjarisht.
E dinë që të birin e tij, mund ta arrestosh për pesë ditë, t’ja gjesh letrat, e dinë që dhëndri i tij ka privatizuar parkun, e dinë që Shkëlzeni ndërton në të gjithë Tiranën, nga Lalzi në Tiranë dhe e lejojnë, sepse kanë këtë parimin që shiko se ky na duhet të jetë në lojë, sepse na bën punë. Duke qenë ky në lojë, le të bëjë ca lekë, duke bërë ca lek ky ndihet i rëndësishëm, duke u ndjerë i rëndësishëm ky nuk ikën nga politika dhe duke mos ikur ai nga politika ne rrimë në pushtet.
Kanë bërë një llogari regresive, duket pak si konspiracion por është e vërtetë. Nuk mund të them dot që Edi Rama nuk e di që Shkëlzen Berisha është ortak tek ai resorti që ka dhënë ky si investitor strategjik në Lëlz… Nuk besoj dot që Edi Rama nuk e di që ai që ka marrë kullën 64 katëshe (në Tiranë), është i punësuar i Shkëlzenit…
Okej nuk e ka emrin por e dimë se si funksionojnë, mund ti bësh nja dy provokime të vogla dhe ata të tregojnë vetë se kush janë dhe si funksionojnë. Dhe këta e dinë, por thonë le të bëjnë ndonjë lek.
Ndaj them që beteja ime me Berishën nuk është obsesionale, unë nuk kam obsesion ndaj Berishës por nuk e duroj dot këtë situatë që këta bëjnë sikur Berisha ka ikur dhe ti tani pse lodhesh. Berisha jo vetëm që nuk ka ikur, por të gjithë këta të tjerët që më thonë mua që ke obsesion, luftojnë që Berisha të rrijë.
Ky është problemi. E mbajnë me idenë, na duhet ky, le të rrijë sepse ky nuk fiton më, është shktarruesi i krahut të vet, mban një grusht idiotësh… Atyre u duhet, por është një gjë regresive për shoqërinë, sepse duhet ta lësh garën të hapur dhe duhet ti japësh shansin shoqërisë që të dalin elementë opozitarë, që të jenë avant-garde.
Unë e di që Edi Rama është më i zoti në këtë vend, por më i zoti akoma do të jetë nëse lejon që përballë tij të dalë një i zoti, por ai e ka bërë lojën që përballë Edi Ramës të jetë Saliu dhe tani Saliu e ka aset kombëtar.
Nuk është obsesion, por është një problem që nuk ka përfunduar Saliu, është një problem i pazgjidhur. Është i rëndësishëm tani, si shkatërrues i opozitës”, tha ndër të tjera Baze.
