BE përmes misionit EURALIUS në Tiranë, i cili asiston autoritetet shqiptare për zbatimin e reformës në drejtësi, ka propozuar që ILDKPI të marrë kompetenca të ngjashme me ato të policisë gjyqësore, për hetimin e pasurive të pajustifikuara apo të fshehura të zyrtarëve shqiptarë, si dhe për të gjurmuar pasuritë e tyre jashtë vendit në bankat e huaja. Asnjë shqiptar me mendje sadopak të shëndoshë nuk e beson se Ganaj i ILDKPI do gjurmojë miliona eurot e Like Metës në Londër, Qipro apo qoftë dhe në Gjirin e Lalzit, Tiranë, Skrapar, Bulqizë apo Malin e Dajtit.Ndaj që të mos dështojë ky mision duhet që “qiraku” i Metës në krye të ILDKPI të shkojë para drejtësisë dhe të marrë dënimin që meriton, për të gjetur një njeri që ka kaluar Vettingun për ta vendosur në krye të këtij Institucioni kryesor të procesit të Vettingut dhe reformës në drejtësi
Shkëlqim Ganaj, kreu i Inspektoratit të Lartë të Deklarimit e Kontrollit të Pasurive dhe Konfliktit të Interesave që këtu e 5 vite, ka për detyrë verifikimin e pasurisë së zyrtarëve të lartë.
Deri më tani, pas kalimit në Vetting të gjyqtarëve dhe të prokurorëve ka rezultuar se mbi 90 përqind e tyre kanë një tjetër pasuri që kanë deklaruar në ILDKPI, ndonëse ndër vite kanë marrë nga institucioini që drejton Ganaj deklaratën e “pastërtisë” së pasurisë.
Parë vetëm nga ky fakt Ganaj duhej të kishte përfunduar vetë para drejtësisë për shkeljen e ligjit në ushtrimin e detyrës së tij për 5 vite me radhë, por ai ia ka dalë të qëndrojë në krye të ILDKPI.
Ganaj është një “kamikaz” i Ilir Metës në këtë pozicion dhe një ndër detyrat themelore të tij ka qënë e është mbulimi i pasurisë së presidentit aktual, dhe kryetares së deleguar të LSI Monika.
Por me sa duket shansi paska qënë sërish me Ganajn dhe për pasojë dhe për “ustain” e tij Ilir Meta, teksa po përgatitet të marrë dhe kompetencat e “kryepolicit” të verifikimit të pasurisë së zyrtarëve të lartë e të polikës në vend. Duke e bërë Ilir Metën “superpolic” të antikorrupsionit.
Dikujt mund t’i vijë çudi, dikujt tjetër mund t’i ‘shpërthejnë” binjët nga të qeshurat, dikujt tjetër mund t’i bjerë të fikët nga inati, por fakti është se është EURALIUS, misioni i BE në Tiranë ai që po përgatit një paketë propozimesh për t’i dhënë kreut të ILDKPI kompetenca sipërore. Ndonëse duket sikur po i varen ujkut Meta “mëlçitë” në qafë përmes Shkëlqim Ganajt.
Më konkretisht mediat lajmërojnë se BE përmes misionit EURALIUS në Tiranë, i cili asiston autoritetet shqiptare për zbatimin e reformës në drejtësi, ka propozuar që ILDKPI të marrë kompetenca të ngjashme me ato të policisë gjyqësore, për hetimin e pasurive të pajustifikuara apo të fshehura të zyrtarëve shqiptarë.
Propozimi është bërë në kuadër të ndryshimeve të fundit në ligjin për deklarimin dhe kontrollin e pasurive, propozim që reflektohet në një raport të Komisionit të Ligjeve mbi ndryshimet e miratuara nga Parlamenti. Por gjithnjë nën kujdesin që të implementohet pa u mbivendosur me kompetencat e parashikuara në Kodin e Procedurës Penale.
Kjo do të shoqërohet dhe amendamente që do të forcojnë akoma më shumë koordinimin dhe bashkëpunimin ndërmjet subjekteve publike e private për mbledhjen e analizimin e informacionit në lidhje me fshehjen e pasurive dhe interesave private nënvizon propozimi i EURALIUS. Njëherësh është kërkuar që të reflektohen në ndryshimet që po i bëheshin ligjit edhe disa çështje të ngritura nga organizatat ndërkombëtare për gjurmimin e pasurive të paligjshme të pushtetarëve shqiptarë edhe jashtë vendit, nëpër bankat e huaja.
Pra një barrë e rëndë kjo për supet e “brishta” të Ganajt, ndërkohë që asnjë shqiptar me mendje sadopak të shëndoshë nuk e beson se ai do gjurmojë miliona eurot e Like Metës në Londër, Qipro apo qoftë dhe në Gjirin e Lalzit, Tiranë, Skrapar, Bulqizë apo Malin e Dajtit.
Ndaj që të mos dështojë ky mision duhet që “qiraku” i Metës në krye të ILDKPI të shkojë para drejtësisë dhe të marrë dënimin që meriton, për të gjetur një njeri që ka kaluar Vettingun për ta vendosur në krye të këtij Institucioni kryesor të procesit të Vettingut dhe reformës në drejtësi./Pamfleti/
