Pas përpjekjes së dështuar për të krijuar një grup të gatshëm gazetarësh nga borderoja e Presidencës, që të mbronin Bilushin, ky i fundit vendosi të kalojë në ilegalitet.
Prej sot ai njoftoi zyrtarisht se tani e tutje emri i tij në Facebook do të jetë Sara Lleshi.
Pas njoftimit zyrtar, u hap dhe profili i ri ilegal i Bilushit, nga i cili tani do të vazhdojnë sulmet ndaj gazetarëve.
Për lehtësi komunikimi, tani e tutje këtij profili do t’i referohemi si “Bilushi ilegal”.
Në argumentet që Bilushi i Metës i dha stafit të Presidencës, për nevojën e “Bilushit ilegal”, mes të tjerash thuhet:
“Të dashur shokë!
Nevoja për të kaluar në ilegalitet me një emër femre është e domosdoshme.
Kjo më krijon lehtësinë të sulmoj kundërshtarët tanë, kur të reagojnë ndaj presidentit, me argumentin se po sulmojnë një femër.
Për shkak se ajo është ilegale, kemi mundësi të nxjerrim dhe shoqata grash në mbrojtje të saj, pasi këto shoqatat e gazetarëve u treguan të ngathëta.
Përveç shokëve të gazetës “Telegraf”, që më mbrojtën me të njëjtin përkushtim siç mbrojnë veteranët e luftës, të tjerët treguan shenjë indiference dhe neglizhimi.
Nga ana tjetër, duke qenë me profil femre, e kam më të lehtë dhe me shoqen Spiropali, pasi dihet që femrat i thonë të fundit njëra- tjerës.
Kështu si burrë ishte pak problem, se ata të sajojnë dashnore dhe më gjen belaja me gruan.
Sa i pëkret gjuhës së ashpër, nuk besoj se është problem, se gjithë gratë e LSI si Monika flasin e shkruajnë, kështu që nuk ka për të rënë në sy.
E rëndësishme është që këtë javë, profili im fallco të marrë sa më shumë pëlqime.
Duke qenë se ditën e parë sa u hap ai ka 10 friends, të gjithë nga LSI, është mirë që të shpërndahen like dhe nga PD dhe parti e Nard Ndokës, që të mos identifikohet vetëm me LSI-në, pasi presidenti është i gjithë opozitës.
Për çdo komunikim më shkruani në inbox në të dy profilet, pasi menaxhohen preje meje.
Ju falenderoj për besimin!”
