Deputeti socialist, Erion Braçe, ka postuar ditën e djeshme një video në Facebook, ku i ka bërë thirrje blegtorëve dhe bujqve të vendit të flasim për të gjitha sfidat me të cilat po përballen, hapur, ditën e Kongresit të Partisë Socialiste, ku siç është thënë do të ketë hapësirë për bashkëbisedim me qytetarët.
Braçe ironizon Qeverinë kur thotë se “a dëgjon njeri më në këtë vend” dhe i bën thirrje bujqëve dhe blegtorëve që të mblidhen ditën e shtunë në orën 9, në sheshin “Nënë Tereza”.
“Kam tre muaj që flas e argumentoj tamam për këto! Askush nuk dëgjon! Ndaj, të shtunë, në orën 9.00, në Sheshin Nënë Tereza, t’i flasim Partisë Socialiste tamam për hallin e bujkut, blegtorit, prodhimit të tyre dhe ushqimit tone, ushqimit te te gjithëve”, deklaron ndër të tjera Braçe.
Braçe: Të merren për bazë rekomandimet e Bankës Botërore
Në videon e postuar, Braçe ka propozuar që Shqipëria të marrë për bazë rekomandimet e Bankës Botërore për përballimin e krizës ushqimore, të çmimeve dhe burimeve duke zbatuar këto dy pika si heqje të menjëhershme të barrierave dhe hapjen e tregut të imputeve bujqësore, plehrave komi dhe përdorimin efikas te tyre.
“Heqje të menjëhershme të barrierave dhe hapjen e tregut të imputeve bujqësore, plehrave komi dhe përdorimin efikas te tyre. Mbështetje më të madhe e më efikase buxhetore për prodhuesit bujqësor e blegtoral ne vend. Kam tre muaj që flas e argumentoj tamam për këto! Askush nuk dëgjon!
Ndaj, të shtunën, në orën 9, në sheshin Nënë Tereza, t’i flasim PS tamam për hallin e bujkut, blegtorit, prodhimit të tyre dhe ushqimit tonë, ushqimit të të gjithëve.”, deklaron deputeti socialist Erion Braçe në një video të postuar në Facebook.
Braçja e ngriti zërin kundër rritjes së çmimeve edhe para 3 javësh
Deputeti Erion Braçe tre javë më parë, ngriti zërin kundër rritjes së çmimit të naftës dhe plehrave kimik për fermerët. Në një interpelancë me ministren Frida Krifca për rritjen e çmimeve, ligjvënësi u shpreh se çmimi i inputeve bujqësore është rritur me 3 fish, dhe nuk ngurojë ti quajë kompanitë që sjellin këto produkte si “kartel”, sepse sipas tij fitimet janë shumë të mëdha.
“Kemi tre probleme të mëdha në bujqësi. I pari ka të bëjë me rritjen deri në tre herë të çmimit të inputeve bujqësore, plehrave kimike më së shumti. Tani edhe sasia po bëhet problem. I dyti ka të bëjë me ndryshimet e klimës me impakt të fortë në ciklet e prodhimit, nevojën për ujë jashtë sezoneve normale dhe i treti kripëzimi i tokave dhe shpimi i përditshëm i tokave bujqësore veçanërisht në zonat bregdetare, e me komunikim nëntokësorë lidhen kryesisht me zonën e Bashkisë së Divjakës.
Nëse po bën mirë menaxhimin me naftën, në këtë aspekt qeveria është dorëzuar duke thënë se është tregu dhe nuk kemi çfarë bëjmë. Në fakt nuk është as tregu dhe as i lirë është i kapur. Tre kompani që zotërojnë gjithë importin e një produkti nuk përbëjnë treg por përbëjnë një kartel shumë fitimprurës për këto kompani”, tha Erion Braçe në Parlament tre javë më parë.
