Kryeminstri Edi Rama ka folur në lidhje me vizitën në Beograd në kuadër të “Open Ballkan”.
Në një intervistë Rama është pyetur nga gazetarja se çfarë flasin me presidentin Alekdandër Vuçiç, për Kosovën jashtë kamerave dhe nëse Vuçiç do pranonte që flamuri e Kosovës në tryezë.
Kryeministri tha se për herë të parë Vuçiç e tha hapur që Kosova është e mirëpritur që të bëhet pjesë e “Open Ballkan”.
“Për herë të parë ai e nënvizoi publikisht që Kosova është e ftuar dhe është e mirëpritur të ulet në tryezë. Kështu që në këtë aspekt nisma është e qartë qysh në krye të herës që normalisht ishte gati për të filluar më përpara por që unë asnjëherë nuk e kam rënë dakord që nisma të fillojë pa marrë dakordësinë e plotë dhe të qartë nga ana e presidentit të Serbisë që kjo është një nismë gjithpërfshirëse.
Flamujt nuk mund të jenë pengesë sepse ne kemi bërë takime me praninë e të gjithëve. Kemi bërë takime në Bruksel, ku janë ulur të gjithë bashkë, edhe Serbia edhe Kosova. Kemi bërë takime edhe në Ëashington ku janë ulur të gjithë bashkë. Dhe meqë kam parë që kanë qënë disa të shqetësuar se si ka mundësi që të haet darke me këta…ju them se darka kanë ngrënë të gjithë me këta dhe me ata.
Nëse I referohemi historisë, nëse I referohemi situatave të ngjashme, s’’na jep historia ne ndonjë rast kur konfliktet e trashëguara nga një luftë si ajo luftë e përgjakshme prej së cilës doli Ballkani, prej së cilës doli edhe Kosova, të jenë zgjidhur duke I qëndruar me kurriz njëri-tjetrit.
Dhe thelbi është që ne duam ta çojmë përpara çështjen e shqiptarëve duke çuar përpara rrugën drejt të ardhmes. Rruga drejt të ardhmes nuk është duke i qëndruar me kurriz nga e ardhmja, por është rruga e shikimit në sy të së ardhmes duke mos e harruar asnjëherë të kaluarën,”tha Rama ndër të tjera.
