Nga Rigels Seliman
Qetësia politike u prish, për shkak se Lulzim Basha dhe Edi Rama nxorrën shpatat nga këllëfi duke vendosur sërish “vija të kuqe”. Të premte kryeministri Edi Rama dhe më pas kryetari i Partisë Demokratike, Lulzim Basha iu përgjigjën “flkaë për flakë” njëri-tjetrit.
Zoti Rama ndërsa theksoi se mazhoranca do ta votojë marrveshjen e arritur në “tokën” e amerikanëve mbrëmjen e 5 qershorit, sfidoi Bashën dhe zbuloi se ai tashmë kishte vendosur të pranonte propozimin e opozitës parlamentare të kryesuar nga Myslim Murrizit për të hapur listat dhe hequr kolacionet parazgjedhore.
Kjo gjë alarmoi kryedemorktin Basha, i cili disa minuta pasi shefi i qeverisë kishte mbaruar konferencën për shtyp doli në një të tillë, ndërkohë që para gazetarëve dhe mes zërit të dridhur deklaroi se “Mbaroi”, apo “Rama grisi marrveshjen e 5 qershorit”.
Mirëpo ky ndryshim kurs 180 gradë nga palët, tregon qartë se në prapaskenë po luhet një lojë e fortë dhe që populli duhet ta mësojë, jo nga unë, por nga ata që kanë fatet tona në dorë. Kryesocialisti Rama deri diku u duk i sinqertë, pasi foli për dorashka dhe duke qenë mes 2 opozitave tha se do t’ua plotësojë të dyjave kërksat e tyre.
Ndërsa nga ana tjetër shefi i selisë blu shfrenoi fanatzinë dhe gjasme plasi “bombën” se Rama për 1 muaj rresht i ka dërguar emisarë dhe në këmbimi të heqjes së kolacioneve, model që Basha e pranoi qysh me marrveshjen e 17 majit të 3 viteve më parë, do t’i ofronte atij postin e Kryeminsitrit të Shqipërisë dhe vetë do të katapultohej në krye të Presidencës a thua se kjo është një lojë fëmijësh e tipit “ma jep mua këtë, të të japë këtë”.
Or Lulzim edhe nëse e marrim të mirëqenë se Rama të paska ofruar këtë ofertë, a e di ti mik që kryeminsitër të bën vota e qytetarëve dhe jo Edi. Ky i fundit ta theksoj, por po ta theksoj edhe unë që KM të bën populli. Sa i takon faktit që Rama të bëhet president, kjo është e mundur se mazhoranca në kushtet kur me Metën ka hesape të hapura, edhe bëhët po të dojë. Por nuk besoj se dikush e aq më tepër Edi Rama të bëhet kaq altrusit dhe të të bëjë ty kryeministër, në një kohë që populli shqiptar është shumë i zgjuar dhe të ndëshkon fort sapo shikon dikë që e “dredh bishtin”.
Rasti më i freskët është me PD-në tuaj, ku sapo bëtë paktin me Ramën mbrëmjen e 17-18 majit të 2017, në votime populli të ndëshkojë, pasi “vota” është arma e tij. Madje, jam i bindur se nëse do të hysh në zgjedhje në koalicon me LSI-në e “Monikës, Metës, Kryemadhit, Ilirit” ke për ta pësuar prapë, pasi demorkatët duan një parti homogjene dhe të tyre, jo heterogjene me Lëvizjen Socialiste për Integrim si ferrë nëpër këmëbë. Kështu që zoti Basha, nëse reflekton dhe i vë “drunë” LSI-së, duke qendruar vetëm me aleatët tradizionalë të PD, ke mundësi të çosh shumë më shumë vota në hambarin e partisë që ti drejton prej vitit 2013.
Megjithatë, mua nuk më shqetëson shumë kjo gjë, për sa kohë që fatmirësisht ne kemi në krah SHBA-të dhe BE-në që na këshillojnë dhe na mbështesin. Nga kjo pikëpamje jam i bindur se ambasadorja e nderuar amerikane, Yuri Kim dhe ai i Bashkimit Europa, Luigji Soreca do të dinë si të sillen dhe t’i japin zgjidhje këtëij rebusi.
Por nëse e marrim të mirëqenë këtë diskurs politik dhe nëse javën që vjen nuk do të ketë një qetësi qoftë edhe të rreme, atëherë mund të themi se vërtetë kemi hyrë në pikën më të nxehtë të verës politike. Sidoqoftë mbetet për t’u parë se çfarë do të na ofrojnë ditët e mbetura të korrikut, ndërkohë që po ndaj me ju dhe 7 fakte që përmbledhin situatën në të cilën ndodhemi, sipas meje:
1. Nuk e kuptoj këtë histerinë që ka kapluar politikën shqiptare këto ditë, sa i takon marrëveshjes së dakordësuar mbrëmjen e 5 qershorit me ndërmjetësimin e ambsadorëve të nderuar të SHBA, BE dhe Britanisë së Madhe të atashuar në vendin tonë për reformën zgjedhore?!
2. Pse çfarë të keqe ka të votohet marrveshja e 5 qershorit, në një kohë që tanimë të gjithë e dimë që në Shqipëri 2 parti ka dhe ajo është PD dhe PS?! (LSI është drejt shkrirjes, madje parti intresash dhe qytetarët shqiptarë janë lodhur me parti të reja e grupime të reja, pasi sot në Shqipëri janë thuajse 150 subjekete politike?!
3. Nuk i kuptoj këto akuzat dhe artikuilmet si “tradhëtar” nga depuetët e opozitës parlamnetare në adresë të deputetëve të opozitës së re që deklaruan se do të votojnë paktin e 5 qershorit?!
4. Pse nuk i etiketoni si tradhëtarë edhe 79 depuetët e mazhorancës që do të votojnë marrëveshjen e 5 qershorit që pritet të shkojë për t’u votouar në 23 qershor në Kuvendin e Shqipërisë?!
5. A janë në dijeni politikënët dhe depuetët e opozitës së re të kryesuar nga deputeti Myslim Murrizi që bën sikur ka në dorë fatet e vendit, se ambsadorja e nderuar e SHBA në Tiranë, Yuri Kim deklaroi dje prerër dhe qartë gjatë një interviste televizive se marrëveshja e 5 qershorit duhet të kalojë pa iu hequr asnjë presje?!
6. A janë në dijeni depuetet e opozitës së re që kur të hapen listat, listën e deputetëve që do të garojnë në një qark apo zonë do ta bëjë sërish Edi Rama, Lulzim Basha, Monika Kryemadhi apo Myslim Murrizi, ku do të vendosin kandidatë ata që duan dhe ne si popull do të votojmë ata që do të na serviren?!
7. Boll më me kësisoj përplasjesh dhe deklaratash histerike se na keni lodhur, madje na vjen turp që Shqiperia ka poltikanë si ju nga të gjithë krahët qofshin!
P.S: Pse të mos kalojnë të dyja marrëveshjet ajo e 5 qershorit dhe kjo e 28 deputetëve të opozitës së re, në mënyrë që ta na bien veshët qetësi se jemi lodhur nga këto lojërat foshnjore të tipit “Tërhiq dhe mos e këput” apo ” Bëj si them unë dhe mos bëni si bëj unë”?!