Apelasi, espuls, deportim; apo shqip e qartë: dëbim.
Janë të shumtë bashkatdhetarët që e kanë ndeshur këtë masë ndëshkimore në rrugën e tyre për të kërkuar – kryesisht në rrugë ilegale- një jetë më të mirë jashtë atdheut.
Marrja e “Apelasit”, qoftë në Greqi, qoftë në një vend tjetër të Shengenit është një problem i madh të cilin vuajtësit përpiqen me çdo kusht ta kapërcejnë.
Por kjo mund të bëhet vetëm në rrugë ligjore.
Në rastet që dëbimi është vendosur nga SHTETI GREK për arsye dokumentash, ja si mund të veprojmë për ta hequr:
Pasi të kenë kaluar 5 vjet, me mbarimin e afatit të apelasit, duhet që të mos keni probleme të tjera me shtetin grek, të bëni një kërkesë për heqjen e emrit tuaj nga lista e personave të padëshirueshëm (“Lista e zezë”) e shtetit grek.
Por ka mundësi që heqja e “apelasit” të kërkohet edhe pasi të ketë kaluar vetëm një vit, për arsye familjare apo arsye të tjera.
Duke u drejtuar në zyrën tonë, ne mund të merremi me procedurat dhe të bëjmë një kërkesë në emrin tuaj për heqjen e apelasit dhe brenda dy muajsh do të marrim përgjigje.
Në rast se “apelasi” është marrë nga një shtet i ZONËS SHENGEN, për arsye dokumentash, ja se si veprohet për ta hequr:
Nëse emigranti ka qenë prej vitesh me dokumenta në Greqi, atëherë mund të vijë në shtetin grek dhe të bëjmë kërkesë për heqjen e apelasit. Çdo dokument që mund të jetë i nevojshëm nga shteti grek dhe shteti shqiptar, avokati do të marrë përsipër që t’i ketë në dispozicionin tonë dhe më pas do të fillojmë procedurat.
Të gjitha dokumentet duhet të jenë me vulën Apostile dhe përkthyer në gjuhën e shtetit të Shengenit që ka vendosur apelasin. Përkthimin e bëjmë ne në shtetin grek. Çdo dokument nga shteti Shqiptar duhet të ketë vulën Apostile.
Avokati bashkëpunon me shtetin përkatës për çdo detaj dhe për të arritur qëllimin, për heqjen e apelasit dhe për heqjen e emrit nga lista kombëtare e personave të padëshirueshëm.
Të gjitha veprimet zgjasin deri sa të dalë përgjigjja.
Për të gjithë ata që kanë vendim dëbimi, është shumë e vështirë heqja e dëbimit. Heqja e dëbimit mund të arrihet vetëm për arsye shumë serioze shëndetësore dhe familjare. VINI RE mundësitë për heqjen e dëbimit janë jashtëzakonisht të vogla.
Zyra jone DEDES & ASSOCIATES mer persiper cdo ceshtje rreth emigracionit, pajisje me leje qëndrimi të të gjitha kategorive, marrje të nënshtetësisë, zgjidhje e çështjeve që kanë rezultuar për shkak të refuzimit të autoriteteve publike në akordimin e lejes së qëndrimit dhe të nënshtetësisë, marrje dhe zgjatje vize, bashkim familjar, Çështje penale, mbështetje juridike etj.
