Darien Shqina, djali i Grida Dumës, ka bërë një postim në përkujtim të 40-ditëshit të ndarjes nga jeta të babait të tij, diplomatit Ilir Shqina.
Ai zbulon i ati ndërroi jetë, direkt pasi kishte ndërruar jetë mamaja e tij.
“Sot u krye 40-ditëshi për ndërrimin e jetës së babait dhe gjyshes sime. Tradita simbolizon paqen e shpirtrave të tyre dhe bashkimin me familjarët e tjerë që kanë ndërruar jetë.
Tashmë të gjithë janë bashkë, na mbrojnë dhe na shikojnë nga një vend më i mirë. Bekuar qofshin”, shkruan Darieni
Ilir Shqina, i cili ka mbajtur poste të rëndësishme në shërbimin diplomatik shqiptar, ndërroi jetë në një moshë relativisht të re, vetëm një ditë pas humbjes së nënës së tij.
Një goditje e dyfishtë për familjen, që ka prekur thellë të afërmit dhe miqtë.
Ilir Shqina ishte i martuar për 22 vite me Grida Dumën. Ata u divorcuan në vitin 2022, pasi në media dolën mesazhet erotike të Grida Dumës me Ervin Salianjin.
