Eduardo Reja është zyrtarisht trajneri i ri i Kombëtares shqiptare, i cili është prezantuar pak minuta më parë në ambientet e Federatës Shqiptare të Futbollit.
Në prani të presidentit Armand Duka, Reja do të marrë drejtimin e kuqezinjve pas largimit të një tjetër italiani si Kristian Panuçi.
Presidenti FSHF-së i uroi mirëseardhjen Reja, ndërsa shtoi se shpreson për një pjesëmarrje të Shqipërisë në Europian
“Do të doja t’i uroja mirëseardhjen Rejas në krye të kombëtares. Duhet të kemi performancë më të mirë dhe pse jo pjesëmarrje në Europian”, deklaroi Duka.
Ndërsa në fjalën e tij Reja u shpreh:
“Shpresoj që të krijojmë marrdhënie të mirë me shtypin. Edhe nga përvoja ime personale, kam kërkuar të krijoj marrdhënie të mirë me shtpin, kudo ku kam qënë.
Faleminderit presidentit Duka që besoi te mua. Nuk ka qenë eksperiencë e mirë për mua. Skuadra u vendos në vështirësi. Jam i angazhuar me përzgjedhje lotjtarësh. Nga natyra ime nuk më pëlqen të flas gjatë, kështu që pres pyetjet tuaja.
Kontrata ime është deri në nëntor. Të mbarojmë këtë fazë të parë dhe më pas të shohim se si do të vazhdojmë. Unë firmos zakonisht kontrata njëvjeçare, sepse janë rezultatin që vendosin.
Kisha mundësi të punoja në Itali, por kisha dëshirë të drejtoja një kombëtare dhe ja ku erdhi rasti të drejtoj Shqipërinë. Dua të përshëndes Panuçin për punën që ka bërë, më vjen keq që u largua.
Duka më telefonoi pas shkarkimit të Panuçit dhe jam krenar për këtë ofertë.
Forca e grupit eshte arma me e forte e kesaj skuadre, por ne kohet e fundit ka pasur probleme ne kete aspekt!
Igli Tare me telefonoi dhe me tha: Cfare ben akoma ne shtepi? Akoma nuk ke ikur te Shqiperia…
Mbaj mend edhe Strakoshën, që ishte i vogël kur erdhi në skuadër.
Mua më pëlqejnë skuadrat agresive dhe Shqipëria në këtë moment nuk është e tillë. Duhet të punoj në këtë drejtim, e kam të qartë. Duhet që lojtarët të japin gjithçka për fanellën e ekipit kombëtar dhe duhet të kemi frymën e grupit. Dua që të gjej stimujt e duhur për çdo lojtar.
Ana ekonomike është në plan të dytë, nuk ka të bëjë fare. Unë dua një skaudër që të sakrifikojë për vendin e saj. Kjo është filozofia ime.
Objektivi ynë primar është të bëjmë mirë në sfidat e ardhshme. Kjo është primare dhe jo kontratat e mia.
