“Pse pritet kaq gjatë të nisni punën për një spital karantinë, duke qenë se në Itali mori përmasa të mëdha situata covid-19 dhe a do të ketë një bilanc të të sëmurëve që u spostuan në spitale të tjera dhe nuk erdhën në Tiranë te specialisti, gjatë pandemisë duke bërë që sëmundjet e tyre të avancojnë, siç është rasti i të sëmurëve me kancer dhe tani sëmundja e tyre ka avancuar dhe nuk mund të ndërhyhet më”, ishte pyetja e gazetarit Erjon Skëndaj nga ‘News 24’, i cili ka ndjekur hap pas hapi situatën e pandemisë në terren.
Ndërkohë, Kryeministri Edi Rama e ironizon, duke u shprehur: Urime për bindjen se kërkon një thellim të admirueshëm në fushën mjekësisë dhe kërkon kurajë mbresëlënëse se e dimë se diagnozat nuk vihen në distancë sociale, por mi bazën e analizave të thelluara. Urime për këtë.
Ju dëgjova pandërprerë jo se isha gojëhapur duke admiruar ato që quajtët fakte, por se ju respektova, nuk jam për të bërë debat me ju, por të jap përgjigjen time, që ta jap pa u shqetësuar në distancë.
Pyetja që në thelb ka një të vërtetë do e keni përgjigjen e ministres, por është e vërtetë e planetit jo vetëm e Shqipërisë.
Sot në SHBA ky është një diskutim shumë i madh, lidhur me postimin e aktiviteteve të tjera për të krijuar hapësirë te lufta me virusin.
Ne nuk pritëm se nuk ka lidhje me këtë që thoni ju. Ajo nuk do të ndryshonte planifikimin e aktiviteteve rutinë. Të mos i ngatërrojmë gjërat.
Një sugjerim miqësor. E kam ndjekur punën tuaj, gazetari ka të drejtë të kërkojë informacion por jo të hyjë me forcë në një spital covid, nuk hyn në të drejtat e gazetarisë.
Më vjen mirë që ju ndaluan dhe ju mbrojtën jetën tuaj.
Ju lutem të respektoni etikën e profesionit, se nuk keni ardhur debat, por pyetja. Isha i shqetësuar për ju që të mos bini viktimë shëndetësore e një kërkese që në atë moment u refuzua”, thotë Rama.