Lulzim Basha së fundi ka nisur një fushatë… premtimesh, se do i kthej Shqipërisë madhështinë që meriton, e kjo do ndodh sa hap e mbyll sytë, sapo ai të vi në pushtet.
Në fakt Basha, duke qenë se i mban sytë më shumë mbyllur, në ëndërrime e sheh veten mbret, por të mbretërisë së gënjeshtarëve dhe mëkatarëve, pasi në asnjë cep të këtij globi nuk ka vend për shpirtin e tij.
Ai i pandeh banorët e mbretërisë së tij për të marrë, që vuajnë rëndë nga amnezia, pasi askush nuk do të mund të harronte të gjithë mëkatet e tij, që e tejkalojnë zemërgjërësinë e një frymori për ta falur.
Pas shitjes së Shën Naumit nga Ahmet Zogu dhe shitjes së Shkodrës nga Esat Pashë Toptani, shitja e detit nga ana e Lulzim Bashës, kosiderohet si pika kulmore e veprimtarisë antikombëtare dhe antishqiptare e pushtetit të Sali Berishës, në të gjithë historinë e pluralizmit shqiptar.
I. Një nga skandalet më të mëdha financiare ishte ai i rrugës Durrës-Kukës, ku Lulzim Basha mbante postin e Ministrit të Transporteve. Kur prokuroria nisi hetimet për një nga vjedhjet më të mëdha të kryera ndonjëherë, e gjithë administrata e Ministrisë së Transporteve u vu nën akuzë. Në kohën që zhvilloheshin hetimet e prokurorisë, Basha mbante postin e Ministrit të Jashtëm dhe atij i është hequr imuniteti i deputetit. Sipas KLSH, në raportin e janarit 2008, abuzimi shkon deri në 232 milionë euro. Lulzim Basha i shpëtoi gjykimit nga drejtësia me një raport mjekësor, kur prej 3 vitesh ai pretendonte nëpërmjet raportit se ishte sëmurë me temperaturë dhe pengonte për të dhënë dëshminë dhe u njohur me dosjen.
II. Lulzim Basha, u përfshi në një tjetër skandal gjatë kohës që mbante postin e Ministrit të Jashtëm, duke bërë pazare në fshehtësi në kurriz të Shqipëris, për shitjen e detit Greqisë. Në takimin midis Dora Bakojanis dhe Lulzim Bashës më 20 mars 2008, një nga temat kryesore të bisedimeve ka qenë pikërisht marrëveshja për përcaktimin e kufirit detar. Kjo marrëveshje u faktua nga të dy ministrat e Jashtëm, shqiptar dhe grek, gjatë konferencës për shtyp, që u mbajt në përfundim të takimit.
Pazari u tentua të kalonte në heshtje nga Lulzim Basha, i cili fshiu deklaratat me Ministren e Jashmte greke të asaj kohe, Dora Bakoyannis, e cila ndryshe nga homologu i saj, i botoi të plota deklaratat për marrëveshjen në fjalë. Kryeministri grek Kostat Karamanlis u takua me kryeministrin Sali Berisha, gjatë një vizite dy ditore në Tiranë, ku u nënshkrua marrëveshja për “shelfin detar”, e cila më datë 15 prill 2010, u hodh poshtë si e papajtueshme me Kushtetutën nga Gjykata Kushtetuese e Republikës së Shqipërisë.
III. Një nga ngjarjet më të rënda, ku fajtor është shteti shqitar, ishte vrasja e 4 protestuesve të pafajshëm në Bulevard më 21 Janar dhe plagosja e dhjetëra të tjerëve, mes tyre edhe gazetarë. Përgjegjësia kryesore e vrasjeve rëndonte mbi Lulzim Bashën në pozitën e Ministrit të Brendshëm dhe Sali Berishës si Kryeministër. Edhe pse Garda e Republikës varej nga Ministri i Brendshëm, Basha dhe ish-komandanti i Gardës, ai hodhën përgjegjësinë njëri-tjetrit. Edhe sot drejtësia nuk ka zbardhur ende, kush ishin urdhëruesit e vrasjeve në bulevard, paçka se shqiptarët e dinë më mirë se kush ishin porositësit?
Në fillim kryeministri Sali Berisha akuzoi drejtpërdrejt protestuesit, se vrasjet ishin bërë brenda tyre nga individë të pajisur me “çadra pistoletë” dhe tentoi të fsheh provat që faktonin vrasjet, nga përdorimi i mjekëve për të akuzuar se vrasjet ishin bërë nga distanca të afërta, deri tek zhdukja e pamjeve filmike në Kryeministri.
Kulmi arriti kur qeveria nuk lejoi zbatimin e urdhrit të Prokurorisë për arrestimin e komandës së Gardës, e për tu mbrojtur u sajua “puçi i shtetit” dhe u ngrit një Komision Hetimor, me akuza të rënda ndaj drejtësisë duke e quajtur Kryeprokuroren Ina Rama “lavire Bulevardi” dhe Presidentin Bamir Topi puçist.
IV. Dyshimet që Lulzim Basha ka përdorur disa pasaporta njëherësh, tre të zakonshme dhe 7 diplomatike, janë të forta, por asnjëherë kjo çështje nuk u hetua, për sa kohë Ministria e Brendshme, policia dhe prokuroria e asajkohe kontrolloheshin nga Sali Berisha. Në dhjetor të vitit 2014, nisi verifikimi mbi pajisjen e Lulzim Bashës me 7 pasaporta. Sipas disa të dhënave nga sistemi TIMS, rezulton se Lulzim Basha ka përdorur tri pasaporta të zakonshme dhe katër diplomatike.
Nga hetimet është e faktuar, se për periudhën 4 gusht 1997 deri më 4 gusht të vitit 2002, Lulzim Basha ka disponuar dhe ka përdorur njëherësh dy pasaporta. Ndërsa sa i përket periudhës 29 Maj 2002 deri në 4 Gusht 2002, Lulzim Basha ka disponuar 3 pasaporta. Për periudhën 10 tetor 2003 deri më 10 tetor 2008, Lulzim Basha ka disponuar 4 pasaporta, ndër to tre diplomatike. Për periudhën 10 Tetor e në vijim Lulzim Basha ka disponuar 3 pasaporta, të treja diplomatike. Siç mund të kuptohet, identitetin e shumëfishtë ministri e ka përdorur që në fillim në vitet ’90!
Nga analizimi i të dhënave rezulton, se këto pasaporta janë përdorur nga Basha, madje njëra prej tyre edhe për blerjen e shtëpisë në Hollandë. Në pasaportën e z. Basha që është përdorur për blerjen e shtëpisë në vitin 2001 ndodhen dy vula shtyrje të afatit të përdorimit. Basha pretendon se ka bërë dy herë shtyrje afati në vitin 2001 e 2002, por në sistem këto dy shtyrje nuk ekzistojnë. Ai kurrë nuk ka dhënë nj sqarim për këtë çështje.
V. Një nga skandalet më të mëdhenj të Lulzim Bashës është Plani Rregullues i Tiranës, me zgjatjen e bulevardit deri në Paskuqan, me qëllimin e vetëm kriminal për të asgjësuar ato pak hapësira të gjelbërta që i kishin mbetur kryeqytetit dhe për të pushtuar Tiranën me kulla shumëkatëshe.
Ky plan i hartuar me urdhrin e Lulzim Bashës, në zyrën e ish-Drejtorit të Përgjithshëm të Planifikimit dhe Zhvillimit të Territorit ishte një megamashtrim për t’iu grabitur mijëra metra qytetarëve të Tiranës me ndërtime klienteliste dhe të njëanshme.
VI. Një skandal i publikuar në një artikull i revistës amerikane “Mother Jones”, akuzonin drejtpërdrejtë Lulzim Bashën, kësaj here kreu i Partisë Demokratike për një lobim qindra mijëra dollarë, si tentativa e fundit për të hedhur “në erë” Reformën në Drejtësi. Sipas dokumenteve të paraqitura nga revista amerikane dhe të dhënave të siguruara nga kompania e lobimit “Muzin Capitol”, u hodhën dyshime, se PD kishte përdorur 675 mijë dollarë duke paguar kompaninë “Muzin Capitol”, për të lobuar tek disa zyrtarë në SHBA dhe për të hedhur baltë mbi reformën në drejtësi dhe ish-ambasadorin Donald Lu.
Paratë e përdorura për lobimin, nuk janë deklaruar si shpenzime në Komisionin Qendror të Zgjedhjeve, siç parashikon ligji. Sipas dokumentave dhe firmave, Basha kishte kontaktuar Nick Muzin për lobimin, kreun e kompanisë, ndërsa
paratë për kryerjen e lobimit janë dhënë nga oligarkë rusë pranë Putinit. Një nga pagesat e bëra, është për foton e famshme të Lulzim Bashës me Donald Trump, të cilën kreu i PD-së e shiti në Tiranë si mbështetje e SHBA për partinë e tij dhe Xhelali Mziu, kryetari asajkohe i Kamzës, e shpalli Presidentin amerikan “Qytetar Nderi”./Ekskluzive.al
