Anëtari i Këshillit Kombëtar të PD Edvin Kulluri ka reaguar ndaj deklaratës së Lulzim Bashës sipas të cilit, ky grup parlamentar demokrat nuk ka kriminelë.
Teksa u pyet nga gazetarët se si do të vijë në pushtet ndërkohë që ka një grup parlamentar që nuk frymëzon, Basha tha se së paku në këtë grup deputetësh nuk ka kriminelë.
Ka qënë kjo përgjigjie ajo që ka irrituar Kullurin, i cili e ka pyetur Bashën nëse anëtarët e kryesisë që kishte përjashtuar nga jeta politike kishin qënë kriminelë.
Dhe nuk janë figura të panjohura, duke filluar nga ish nënkryetarët e PD Jozefina Topalli dhe Astrit Patozi, Arben Imami, Ritvan Bode, Majlinda Bregu dhe një sërë anëtarësh kryesie dhe të Këshillit Kombëtar që u përjashtuan nga listat e kandidatëve për deputetë më 2017.
“Kur u pyet per grupin parlamentar te PD-se, qe sipas gazetareve nuk frymezon, Basha tha se “ne kete grup nuk ka kriminele”, ai tha nje te vertete!
Por nuk na tha nese i grupi i meparshem kishte apo jo kriminele. Nuk na tha po ashtu nese ishin kriminele shume anetare te Kryesise dhe Keshillit Kombetar qe mbajten peshen kryesore ne vitet 2013-2017 gjate organizimit ne parti dhe zgjedhjet lokale te vitit 2015!
Gjithashtu nuk tha se cilen strukture pyeti per kete grup parlamentar qe rreshtoi ne lista!
Dhe se fundi, akuzoi Ramen se i “nxjerr kandidatet nga xhepi” ndersa vete nuk tha nga cili sirtar i nxorri, kur nuk ka votuar asnje forum!
Qe ka njerez ne PD qe kane deshire te genjehen eshte histori e njohur, por me keta nuk vjen dot ne pushtet! Politika eshte BESIM dhe kete parim Basha nuk e zhben dot, por vetem i shmanget pergjegjesise qe ka si kryetar i opozites.
Dhe pergjigja e shumices se votuesve eshte e qarte: bojkot elektorak ndaj se djathtes! Nuk ka blere Rama 230 mije vota demokratesh.
Por Justifikim e ka gati gjithesesi per zgjedhjet lokale: “me vodhen”! Dhe genjeshtra vazhdon, e vazhdon, e vazhdon…
Dhe do kete ende ca njerez qe do e besojne dhe do jetojne ne “realitetin” e Bashes! Humbes por “krenare”!”, deklaron Kulluri në rrjetin social.
