Ish-drejtuesi i prokurorisë së Apelit, Shkëlqim Hajdari u shpreh sonte në emisionin Repolitix se do të bëjë thirrje për mbledhjen e 10 mijë personave në grevë urie me qëllim ringritjen e demokracisë në vend, pasi shtoi ai, në këto kushte nuk mund të vazhdohet.
“Unë do të mbledh 10 mijë njerëz në Shqipëri dhe do të bëjnë grevë urie për ringritjen e demokracisë. Nuk është e vështirë që të bëhet. Unë do të bëj thirrje, që ta shpëtojmë këtë vend.
Unë nuk iki nga Shqipëria. Unë në këto kushte nuk rri dot. Pra do të thotë se 4-5 mijë burra idealiste për ringritjen e demokracisë, po na lanë me vdekur mirë, por besoj nuk do të na lërë njeri” tha ai.
“Nëse zoti Hajdari futet i pari unë jam i dyti. Të bëhet një listë me 10 kërkesa dhe nëse nuk pranohet të futemi në grevë” tha më tej Neritan Ceka.
