Ministri i Brendshëm, Sandër Lleshaj, është takuar pasditen e sotme me strukturat e policisë së qarkut të Beratit. Takimi që zgjati disa ore është shoqëruar me vlerësime dhe këshilla për uniformat blu të qarkut të Beratit.
Burime të brendshme të policisë bëjnë me dije se ministri Lleshaj është ndalur fort në Guroret që kanë ushtruar prej 20-vjetësh aktivitetin në qarkun e Beratit, duke shkaktuar një ndotje të lartë mjedisore.
Lleshaj u ka kërkuar efektivëve të policisë së Beratit të fokusohen në kontrollet në Guroret e Urës-Vajgurore, ato në Malin e Tomorit dhe përgjatë Osumit, duke mos lejuar funksionimin e tyre pas pezullimit nga ministri Klosi. Mësohet se Lleshaj ka kërkuar të luftohet me forcë dhe pa asnjë tolerancë krimi, në të gjitha format e tij.
Me këtë vendim, ministri i sapoemëruar Lleshaj ka kryqëzuar Ilir Metës, duke i marrë nga duart miliona euro fitime, që siç dihet Presidenti merr nga shfrytëzimi dhe shkatërrimi që iu ka bërë Guroreve, për të nxjerrë mermer.
Përveç urdhëresave të dhëna, mësohet se Ministri Lleshaj nuk i ka kursyer as falënderimet për punën e mirë të bëra nga strukturat e policisë së qarkut Berat,qark që shënon ulje në rritje nga viti në vit të veprave kriminale.
