Kosova ka fituar 2-0 përballë Malit të Zi në Prishtinë. Ndeshja u vendos që në pjesën e parë, kur Rrahmani me një kërcim në zonë mbi portierin malazez hapi siparin e golave.
Bomberi Vedat Muriqi shënoi golin e dytë në minutën e 34’ pas një kundërsulmi të rrezikshëm të kosovarëve nga krahu i djathtë.
Në fund të pjesës së parë tifozët vendas dhe malazez u përplasën në tribunë duke degjeneruar në dhunë fizike për disa çaste, por situata u qetësua nga forcat e rendit. Dardanët morën një fitore të detyruar përballë Malit të Zi, për t’iu afruar Çekisë dhe Anglisë në grup. Ishullorët shpartalluan Bullgarinë me rezultatin 0-6 dhe tashmë vendi i dytë mbetet mes Kosovës dhe Çekisë të cilat i ndan vetëm 1 pikë. Ndeshja e ardhshme vendos gjithçka, më 10 nëntor në Pilsen Republika Çeke pret Kosovën.
Dardanët nën disavantazhin e një pike kanë shansin të parakalojnë çekët por më pas në Prishtinë presin Anglinë. Dy ndeshje ferri i presin dardanët për të realizuar ëndrrën e tyre historike, kualifikimin në EURO 2020, dhe i duhen padiskutim dy fitore. Edhe pse në vend të dytë do i duhet të luajnë Play- Off.
