Nga Shpëtim Luku
Persona serioze deshmojne nje histori sa komike aq edhe domethenese per te shpjeguar shume gjera humoristike dhe “interesante” te Shqiperise se sotme.
Thone se gjate pushimit, ne nje mbledhje te nivelit te larte ne Stamboll, kryeministri i atehershem i Shqiperise, pa mbushur te 30-at, Ilir Meta perseriti avazin e zakonshem te udheheqesve shqiptare te shfrytezimit te ketyre situata per ndonje foto, qe me pas kthehet ne nje aset te vlefshem PR per ta ne politiken e brendshme.
Iu afrua Presidentit te SHBA, Bill Klinton, i cili nderkohe ishte nen shoqerine e kryeministrit britanik, Toni Bler. “Oh, Toni, te prezantoj me Kryeministrin shqiptar”- i tha ai kolegut te tij, ndersa i paraqiste Meten.
“Eshte edhe me i ri se sa ai i meparshmi”- vazhdoi me te qeshura Klinton, te qeshura qe “infektuan” edhe Blerin. E kishte fjalen per ish-kryeministrin Majko, vendin e te cilit me pas e zuri Meta.
Kjo histori mu kujtua, ndersa lexoj interpretimet e Presidentit aktual, qe refuzon te dekretoje emerimin e nje ministri sepse ai “ska eksperiencen e duhur”.
Po pse, kishte eksperiencen e duhur per ligjvenes, Ilir Meta, i cili punen e pare pas perfundimit te studimeve e ka deputet, per te mos iu ndare salles se Parlamentit, deri kur u zgjodh President?!
Kishte pervojen e duhur Ilir Meta, per tu zgjedhur Kryeminister ne moshen 28 vjecare?! Pse standarti me te cilin ke perfituar vete , befas kthehet standart per te refuzuar tjetrin?
Nese pretendon te kete te drejte tani me vendimin e tij te refuzimit, a nuk do te thote kjo mosaprovim pas kaq vitesh te praktikave qe kane ndjekur te tjeret me te?! Pra me Meten.
Duket qarte ne kete rast se Presidenti thjesht ben nje loje te tijen, pasi, nese botekuptimi i tij do e kishte te natyrshem standartin e eksperiences, atehere ai nuk do te mbushte grupin parlamentar te tij me djem e cupelina 20 vjecare.
Eshte pikerisht kjo “gusto” e tij dhe e te tjereve si ai, qe e kane banalizuar ofiqin e larte publik. Eshte kjo praktike dhe rruge e ndjekur nga ai, e te tjere si ai, qe ka patur per rezultat masivizimin e deshires se gjithkujt per poste. Sepse ata qe iu dalin para syve cdo nate nuk bejne diference me me te dobetin qytetar te ketij vendi.
