Dalin në dritë të tjera detaje sa i takon listës së pagave për shqiptarët. Dy databazat që po qarkullojnë kanë hedhur dritë dhe mbi atë se çfarë ndodh realisht nëpër institucione.
Dje gazeta tregoi se si në Kryeministri e Presidencë kishte shumë këshilltarë që merrnin rroga të majme, ndërsa sot po hedhim dritë mbi të tjera detaje.
Po në Presidencë rezulton se janë të punësuar mbi 20 specialistë, nuk dihet në fakt se çfarë pune bëjnë, por marrin rroga vërtet të larta. Por ata që mbajnë rekord janë këshilltarët dhe ndihmësit e presidentit që kanë paga deri në 1.5 milionë lekë.
Ndërkohë gazeta më poshtë po jep të dhënat dhe mbi pagat që kanë partitë politike. Përveç PD-PS që shpenzojnë shumë për stafin tyre, ka dhe parti të tjera që paguajnë shumë staf.
Ndërkohë rezulton se PD dhe PS japin miliona lekë për regjitë e tyre qendrore. Të dyja partitë kanë gazetarë dhe operatorë që paguhen nga fondi i partisë. Sipas ligjit, çdo parti merr paga nga buxheti i shtetit dhe duket se të dyja partitë e mëdha iu kushtojnë rëndësi të madhe transmetimit të deklaratave të anëtarëve të tyre.
Pagat në Kuvend
Në mesin e emrave të listës së dytë që përkon me muajin prill 2021, janë dhe deputetët e Kuvendit, si dhe të këshilltarëve. Me pagesën më të lartë, sipas kësaj databaze, është kryetari i Kuvendit me një vlerë prej 228.730 lekë. Asokohe në këtë pozicion ka qenë Gramoz Ruçi.
Pas tij renditet këshilltari i Kryetarit të Kuvendit me një pagë prej 192.900 lekësh ndërsa pasohet nga deputetja Vasilika Hysi me një rrogë prej 187.610 lekë. Me të njëjtën shumë rezulton dhe ish-deputeti Myslim Murrizi. Kreu i grupit parlamentar socialist, Taulant Balla figuron me pagë 180.286 lekë dhe që pasohet nga një tjetër punonjës, drejtor drejtorie në administratën shtetërore me 174,400.00 lekë. Mimi Kodheli figuron me pagë 164,609.00 lekë, ndërsa me po të njëjtën pagë figuron edhe Rudina Hajdari.
Hetimet e prokurorisë
Dje Prokuroria ka marrë në pyetje disa ekspertë të IT në Drejtorinë e Tatimeve dhe Institutin e Sigurimeve Shoqërore. Mësohet se deri më tani janë pyetur 14 ekspertë IT, të cilët kanë pasur akses në serverin e pagave të qytetarëve. Në pyetje janë marrë edhe ekspertë në Agjencinë Kombëtare të Shoqërisë së Informacionit. Përveç pyetjes së ekspertëve, Prokuroria po kryen ekspertim edhe te kompjuterët e specialistëve të Tatimeve.
Skandali prej dy ditësh po qarkullon me bujë. Të dhënat financiare të mbi 630 mijë qytetarëve për muajin janar 2021 qarkulluan lirisht 2 ditë më parë përmes aplikacionit WhatsApp por skandali u thellua edhe më tej pasi dje doli një listë e shtuar deri në 690 mijë punonjës, me të dhënat e prillit. Materialet përmbajnë të dhëna personale si numrin e kartës së identitetit, numrin e identifikimit të shoqërisë ku janë punësuar ata, përfshirë pozicionin e punës dhe numrin e telefonit.
Specialistë ndihmës në Presidencë
1. Ervin Truka, 146,600.00 lekë, Ndihmës i Presidentit
2. Arber Bashkurti 145,480.00 lekë, Ndihmës i Presidentit
3. Ujvara Ponari145,480.00 lekë, Ndihmës i Presidentit
4. Sara Lleshi 144,080.00 lekë, Ndihmës i Presidentit
5. Pavlina Terpini 86,005.00 lekë, Specialist i nivelit të lartë
6. Dile Zhuri 84,180.00 lekë, Specialist i nivelit të lartë
7. Gjet Fufi 82,000.00 lekë, Specialist i nivelit të lartë
8. Luljeta Muçi, 82,000 lekë, Specialist i nivelit të lartë
9. Luljeta Çipi 82,000.00 lekë, Specialist i nivelit të lartë
10. Loreta Zaja 82,000.00 lekë, Specialist i nivelit të lartë
11. Alma Dhono 81,720.00 lekë, Specialist i nivelit të lartë
12. Dritan Lila 77,520.00 lekë, Specialist i nivelit të lartë
13. Blerina Nurçe, 77,520.00 lekë, Specialist i nivelit të lartë
14. Iljaz Peka, 77,240.00 lekë, Specialist i nivelit të lartë
15. Qerime Guri, 76,960.00 lekë, Specialist i nivelit të lartë
16. Enri Mato 76,960.00 lekë Specialist i nivelit të lartë
17. Sadjona Dervishi 76,960.00 lekë Specialist i nivelit të lartë
