Nga Rigels Seliman
Prej disa ditësh trevat mbarë shqiptare ziejnë për shkak se Zyra e Prokurorit të Specializuar në Kosovë ka ngritur një aktakuzë, përmes së cilës pretendohet se presidenti kosovar, Hashim Thaçi, kreu i PDK Kadri Veseli dhe të dyshuar të tjerë, janë penalisht përgjegjës për afërsisht 100 v.rasje të paligjshme.
K.rimet e paraqitura në Aktakuzë përshijnë qindra v.iktima të identifikuara shqiptarë, serbë dhe romë të Kosovës dhe kundërshtarë politikë.
Por nuk mund të rrija edhe unë pa folur dy fjalë për këtë çështje, madje të jap edhe opinionin tim, duke qenë se jeta më ka dhënë luksin dhe privilegjin që të njoh e të kem miq të mirë shumë prej bijëve të Kosovës që luftuan për liri kundër okupatorit serb.
Kështu që pa humbur kohë, po shkruaj diçka, jo se opinioni tim do të ndryshojë gjë, por kjo është e pakta që mund të bëjmë për trimat e UÇK-së.
Solidariteti, besnikëria, trimëria dhe mikëpritja janë vlera që karakterizojnë shqiptarët, falë të cilave ne ecim krenar e ballë lart kudo anëmbanë botës.
Mirëpo, të jem i sinqertë me ju, ditën kur mësova për lajmin se Zyra e Prokurorit të Specializuar (ZPS) u paraqiti Dhomave të Specializuara të Kosovës (DHSK) një aktakuzë me dhjetë pika për shqyrtim prej Gjykatës për zotin Thaçi dhe Veseli, mendova se dicka po gatuhet në prapaskenë kundër faktorit shqiptar.
A e dini pse? Sepse kjo aktakuzë ishte gatuar qysh më 24 prill 2020 dhe se ajo u bë publike 2 muaj më pas. Pra, gjithçka është tendecioze dhe se synon që të përbaltë luftën e UÇK. Por unë, shqiptarët dhe kushdo që ka vetëdije kombëtare e di fare mirë që lufta e UÇK-së ishte e drejtë.
Kushtë që ka ardhur koha që të reagojmë fort, pavarësisht se Serbia me ndihmën e segmenteve të caktuara ndërkombëtare synon të minojë pavarësinë e Kosovës dhe të rikthejë fantazmat e xhelatit Sllobodan Millosheviçit në territoret shqiptare.
Por të jeni të bindur që kjo nuk ka për të ndodhur! Askush nuk mund ta zhbëjë sakrificën e shqiptarëve që luftuan për liri, pavarësi dhe shtetndërtim.
I tillë është edhe rasti i zotit Hashim Thaçi dhe Kadri Veseli, të cilët janë investuar, ndërsa kanë luftuar për çlirimin e Kosovës.
Madje, dua të theksoj se këta nuk janë të vetmit, pasi shumë bijë nënësh si Flamur Gashi, Afrim Ajredini dhe gjithë fisi Ajredini- Gashi, etj lanë kurbetin dhe zgjodhën të luftonin për çlirimin e Kosovës.
Pra, pa u zgjatur dhe pa bërë atdhetarin e patriotin, dua të nënvizoj me të madhe se UÇK është një aset kombëtar dhe se shqiptarët do të triumfojnë në çdo kohë.