Ilir Meta ka vazhduar sërish me replikat e tij ndaj fjalës së kryeministrit Edi Rama në Asamblenë e Partisë Socialiste.
Në postimin e tij të dytë brenda një orë,presidenti shkruan se ai nuk bën aktrim me historinë e kombit.
Gjithashtu Meta ka theksuar se shtëpia ku kam lindur ka shërbyer si spital partizanësh për Jugun e Shqipërisë.
Në fund presidenti e ka mbyllur duke thënë se Jam Ilir Meta dhe përballë do më keni gjithmonë.
Postimi:
“O shakaxhinjtë e integrimit!
Unë nuk bëj aktrime me historinë e kombit tim dhe familjes time!
As politikë për vota o palaço dhe të pa Atdhe!
Unë kam lindur në Çepan, 1000 metra mbi nivelin e detit dhe u jam shumë mirënjohës prindërve të mi.
O ordinerë, shtëpia ku linda unë në 24 mars 1969 ishte spital partizan për Jugun e Shqipërisë. Në këtë shtëpi erdhën dhjetëra partizanë, pa këmbë e pa krahë. Në themelet e kësaj shtëpie edhe sot është gjaku i tyre.
Unë isha ndër udhëheqësit e Lëvizjes Studentore, por kurrë nuk e vura në diskutim gjakun e tyre.
Se gjaku nuk bëhet ujë o hajdutë ordinerë!
Jam Ilir Meta dhe përballë do më keni gjithmonë! 🇦🇱”
