Ajo që ndodhi sot në Amerikë, është ose kataklizmë, ose pendesë, ose ka ardhur fundi i botës.
Sot ka qënë me të vërtetë një ditë e çuditshme përsa i përket mënyrës së sjelljes së politikanëve shqiptarë në të dy anët e kufirit, në tempullin e demokracisë së botës, SHBA.
Kanë mbetur të shokuar të gjithë ata që kanë parë dhe dëgjuar deklaratat e ashpra të Ilir Metës, Presidentit shqiptar, në Uashington kundër rolit agresiv të Rusisë në tentativën e saj të fortë për të shtrirë ndikimin e vet në vendet e Europës Juglindore.
Ka qënë kulmi i ironisë fakti se si një ultra-filorus si Ilir Meta, që ka marrë para sa është enjtur nga qarqet më të zeza ruse dhe të shërbimit të saj sekret KGB për të lobuar në SHBA në mënyrë që të rikthehen prorusët në pushtet në Shqipëri, të flasë për rol agresiv të Rusisë në rajon.
Për më tepër që Meta, ka në Presidencë drejtor kabineti, një spiun funksional të Rusisë si Arben Cicin dhe që ka një hetim nga FBI për përdorim fondesh të zeza ruse, të flasë në mes të SHBA është ose kataklizmë, ose pendesë ose ka ardhur fundi i botës.
Eshtë si të shkosh në një ceremoni mortore dhe të shohësh që vrasësi, në sy të familjarëve të të vrarit të qajë dhe shkulë flokët më shumë se ata për të ndjerin.
Në këtë pozicion ishte Ilir Meta.
Aq më tepër që këtij “kortezhi” i ishte bashkuar dhe zv.kryeministri dhe njëherësh ministri i Jashtëm i Kosovës, Behgjet Pacolli. Kronika bëhet akoma më e zezë, pasi ky i fundit njihet për miqësitë e mëdha në Rusi. Fundja me ish presidentin rus i bëri paratë.
Bashkë me të, me ftesë të Senatit Amerikan, ka qenë dhe ministri për diasporën Pandeli Majko por pa harruar edhe ish ministri i Mbrojtjes Fatmir Mediu, njeriu që hodhi në erë Gërdecin duke marrë jetën e 26 njerëzve të pafajshëm dhe plagosur mbi 300 të tjerë. I vetmi pa lidhje ishte Pandeli Majko.
Pra Meta, Pacolli, Mediu e Gjiknuri, kanë qënë në SHBA si të mbledhur me dorë ata që kanë “mizën nën kësulë”, si për të treguar se kanë shkuar të “lajnë gjynahet” tek partneri ynë i madh, në pritje të ndonjë vënie dore në zemër e t’i fale për maskarallëqet që kanë bërë edhe ndaj SHBA./Pamfleti