Pas festës së Vitit të Ri, Mulit nuk i ka dalë ende inati me ata që tallën Doktorin për Lali Erin.
E keqja është se në këtë mes përdorën edhe Mulin.
Nuk di si do t’i dal Doktorit përpara, – i tha Lelos. – Belo më siguroi që Lali do kthehej më 17 janar; më tregoi edhe biletën. Pastaj Doktorit i tha që do aplikonte edhe për azil dhe, për këtë, më tregoi fakte nga konferenca e Ramës.
Tani ai u kthye që dje, dhe Doktori doli shumë keq. Si mendon ta zbusim këtë situatë?
Doktori nuk mërzitet nga gjëra të tilla, – tha Lelo. – Edhe po të mos ja kishe thënë ti dhe Belo, do t’i kishte shpikur vetë. Kështu që nuk besoj se ka ndonjë problem të madh. Problemi është që duhet ta dimë nëse Doktori e ka pasur me dëshirë të ndodhte ajo gjë, apo jo. Ky është problemi.
Si ta kuptojmë këtë? – pyeti Muli.
Ky është problemi, – tha Lelo. – Nëse Doktori e ka pasur dëshirë të vërtetë që Lali të kërkonte azil politik dhe të mos kthehej, kjo tregon se ai nuk dëshiron të ballafaqohet me prokurorinë, pasi nuk ka ndonjë gjë konkrete dhe mendon se hetimi do të dështojë. Nëse shqetësohej pse po arratisej e pse nuk qëndronte këtu, kjo tregon se ka kontroll mbi prokurorët dhe do që ta masakrojnë.
E kuptova, – tha Muli. – Do hetoj në këtë drejtim, se kjo më ndihmon edhe mua ta kuptoj se si do të shkojë situata. Ti e di këtë huqin e poshtër të këtyre të SPAK-ut që marrin një andej e një këtej, dhe kam frikë se pastaj më vjen radha mua. Dhe dua ta di, nëse I duhem DOktorit si I pandehur apo si I arratisur
