Muli u ngjit sot tinëz në papafingon e Doktorit, për t’i raportuar për situatën.
Sapo hyri Doktori e përgëzoi për betejën e përbashkët me Gazin kundër Fluturës.
-I keni dhënë një përgjigje të merituar, tha.
Keni ba një punë të madhe. Ajo betejë duhet të jetë model dhe standard për çdo komision parlamentar dhe çdo seancë kur të flasin këtë të Lul Bravës.
Të dy bashkë mos u ndani. Jeni një çiftë simpatik, që ju adhuron çdo demokrat.
-Faleminderit, i tha Muli i skuqur pak në fytyrë.
Gazi në fakt është shumë mbështetës dhe të krijon siguri kur je bashkë me të.
-Keni bë një punë të madh, përsëriti Doktori. Flutura Xhaçka ashtu e meritonte.
-Açka, Doktor.
Jo, e ke gabim. Xhaçka e ka ajo. Açka e kishte kur ishte me ne.
-A po, ke të drejtë, tha Muli dhe u skuq.
S’ia mori kurë dorën këtij zakonit të Doktorit për emrat.
-Gazi e mori përsipër se kështu do t’ia bëjë dhe Alibeajt kur të nisë komisioni i reformës.
Nuk do ta lërë të flasë, do t’i heqë mikrofonin.
-Shumë mire, tha Doktori. Ai para, ti pas, duhet të jeni në balle të asaj lufte, kudo ku zhvillohet, në Komision, në séance, në rrugë, në studio, kudo.
Atyre nuk duhet t’u zënë këmbët dhe.
-Sot do vijë dhe Albana tek rrugica, Doktor.
Më tha që ka munguar këto ditë se ka qenë pa qejf dhe ka rënë në sy për keq. Por sot do të jetë.
