Kreu i qeverisë Edi Rama ka ironizuar kandidatët e Bashës dhe të Berishës për zgjedhjet e pjesshme vendore të 6 marsit.
I ndalur në Durrës për një bashkë-bisedim me qytetarët në kuadër të nismës së Këshillimit Kombëtar, Rama nuk ka nguruar të thumbojë edhe kreun e PD-së, Lulzim Bashën, duke e konsideruar atë aspak origjinal, pasi në luftën me Berishën po përdor si mjete sulmi të njëjtat akuza që i ka bërë dikur nga PS.
“Luli ia thotë Saliut ato që i kemi thënë ne. Ata të dy po thonë të vërtetat që kemi thënë ne. Ata do vazhdojnë punën e tyre, ta hajë kush ta hajë.”- tha Rama, duke shtuar se: “Deri dje Basha ishte Luli babës vet, sot është Lul brava.”
Më tej, teksa kërkon votën për Emiriana Sakon, Rama zbulon se qeveria është duke punuar për një projekt madhor për transformimin e zonës së plazhit.
“S’kemi aleatë në këtë mes, kë të kemi ?! E shihni ça bëhet atje. E keni dëgjuar ju që Saliu i thotë Lulit ato që ia kemi thënë ne. Luli ia thotë Saliut ato që i kemi thënë ne. Ata të dy po thonë të vërtetat që kemi thënë ne. Ata do vazhdojnë punën e tyre, ta hajë kush ta hajë.
Mos të përmendim faktin se jam dhe deputet i Durrësit. Pse janë duke thënë të vërtetën tani ata? Deri dje ai ishte Luli babës vet, sot është Lul brava. Kaq mbaroi filmi. Që këtu ka mbaruar për mua.
Të jesh në Durrës dhe të kesh mundësi të zgjedhësh mes tre vetave ku dy janë burra, patjetër që po ta kesh mendjen në vend do zgjedhësh një grua. Për ca që të dëgjosh nesër kush është dryni e brava.
Me Durrësin s’kan pse ngatërrohen, ti zgjidhin vetë problemet. Këtu është një votë shumë e thjeshtë, dy burra që këtu a kanë qenë po të ishin aq të zot do kishin shkëlqyer, dhe një grua që ka pasur kohën ta tregojë që është një person që e meriton mbështetjen e qytetarëve të këtij qyteti se kur ra tërmeti shkoi shtëpi më shtëpi.
Po të mos kishte qenë ani këtu, nuk do kishte qenë e mundur që të arrinin të bënim gjithë atë që bëmë. Po punojmë për një projekt të madh për të gjithë pjesën e plazhit të Durrësit që të bëjmë një transformim të madh. Kemi filluar me rrugët nëpër lagje. Do bëjmë shumë gjëra të mira. Kemi edhe një takim më mbrapa me të rinjtë”, tha Rama.
