Një tërmet me magnitudë 6.0 ka goditur një zonë të Turqisë perëndimore pranë qytetit të Duzce, rreth 210 km në lindje të qytetit më të madh të Turqisë, Stambollit.
Lëkundjet e tërmetit ishin mjaft të forta, ndërsa janë ndjerë në Stamboll dhe në Ankara, ku sipas zyrtarëve mbetën të plagosur 50 persona, raporton BBC.
Në rajon është ndërprerë energjia elektrike dhe një banor ka mbetur i plagosur pasi është hedhur nga ballkoni. Gjithashtu një tjetër tërmet me magnitudë 4.7 u raportua rreth 20 minuta pas të parës.
Fotot nga agjencia turke Duzce të shkrepura gjatë natës tregojnë një grumbull njerëzish jashtë, të mbështjellë me batanije dhe duke përdorur zjarre të improvizuara për t’u ngrohur.
Po dy ditë më parë në orët e para të së hënës një tërmet i fuqishëm me magnitudë 5.5 ballë të shkallës Rihter goditi verilindjen e Kretës.
Epiqendra e tërmetit ishte në zonën detare midis Kretës dhe ishujve Kasos dhe Karpathos, por nuk raportohet për dëme.
Sipas Institutit Gjeodinamik tërmeti goditi në orën 1:25 të mëngjesit me orën lokale në një thellësi mesatare të cekët prej 43 km, raporton greekreporter.
Një raport i dytë i lëshuar nga Qendra Sizmologjike Evropiane-Mesdhetare (EMSC) e rendit atë në magnitudë 6.0. Ai postoi gjithashtu një paralajmërim për cunami, duke u bërë thirrje njerëzve që jetojnë në zonat bregdetare të Kretës të lëvizin në tokë më të lartë, mes frikës për një cunami të mundshëm. Paralajmërimi që atëherë është tërhequr.
Qindra njerëz në rajonin e prekur të Kretës kaluan disa netë në tenda dhe parqe ose fjetën në makinat e tyre pas tërmetit, i cili goditi fshatin Arkalochori, duke vrarë një person dhe duke plagosur të paktën njëzet.
Lëkundjet janë ndjerë edhe në ishujt e Cyclades, Turqi, madje edhe në Kajro të Egjiptit.
Njoftimi për cunami u hodh poshtë nga sizmologu grek, Efthimios Lekkas, i cili tha më pas se “nuk ka më asnjë mundësi për cunami në Greqi. Nuk ka asnjë arsye për shqetësim”.
