Media e njohur amerikane BuzzFeed Neës, ka publikuar disa regjistrime audio teksa ndihmësi dhe bashkëpunëtori kryesor i ministrit të Brendshëm italian, Matteo Salvinit, Gianluca Savoini në një takim me disa biznesmenë rus në hotelin Metropol në Moskë bën një marrëveshje të fshehtë për sponsorizimin e partisë së Salvinit, Legia Nord me paratë ruse. Pas këtij publikimi, ministri Matteo Salvini po ballafaqohet me thirrjet për hetimin e kësaj afere pas publikimit të regjistrimeve të ndihmësit të tij Savoini për një marrëveshje të fshehtë me oligarkë rus për sponsorizimin e partisë Legia Nord me paratë ruse të naftës.
Vetëm pak ditë pas vizitës zyrtare të presidentit rus Vladimir Putin në Romë, debate të forta kanë përfshirë politikën italiane e në veçanti partinë e djathtë Lega Nord të Salvinit që është pjesë e koalicionit qeverisës të qeverisë së Giuseppe Contes.
Dy ish-kryeministrat italianë Matteo Renzi dhe Paolo Gentiloni kanë kërkuar hetim pas përgjimeve të publikuara nga media amerikane BuzzFeed Neës, ku bashkëpunëtori i ngushtë i zëvendëskryeministrit dhe ministrit të Brendshëm italian, Matteo Salvinit, negocioi kushtet e një marrëveshjeje të propozuar për të sponzorizuar me paratë e naftës ruse partinë e djathtë Lega të Salvinit.
BuzzFeed Neës publikoi ditën e djeshme një regjistrim ku Gianluca Savoini, bashkëpunëtor i hershëm i Salvinit, i regjistruar në një kasetë në hotelin Metropol në Moskë tetorin e shkuar, shihet teksa diskuton kushtet e një marrëveshjeje të mundshme me pesë persona të tjerë – tre rusë dhe dy italianë – që diskutonin me anë të një marrëveshjeje të fshehtë të sponsorizonin partinë e djathtë Lega Nord me 65 milionë dollarë gjatë një viti. BuzzFeed Neës ka publikuar gjithashtu edhe një transkript të të gjithë regjistrimit.
Në kasetën e regjistruar kuptohet qartë se qëllimi i marrëveshjes së propozuar ishte financimi i partisë Lega për fushatën zgjedhore.
Mbetet e paqartë nëse marrëveshja e negociuar në Metropol është ekzekutuar ndonjëherë, ose nëse Lega Nord ka marrë ndonjë fond, por regjistrimi ka ngritur pyetje serioze përsa i përket lidhjeve ndërmjet Lega Nord dhe Moskës, si dhe çfarë njohurie kishte Salvini për këto negociata.
Në një deklaratë të dhënë për agjensisë italiane të lajmeve ANSA, Salvini tha se nuk ka marerë kurrë asnjë rubël, euro, dollar, apo qoftë edhe një litër vodka nga financimet ruse.
Pasi BuzzFeed Neës publikoi detajet e regjistrimit ditën e djeshme, ndihmësi i ministrit të Brendshëm italian, Matteo Salvinit, Savoini pranoi se ai kishte marrë pjesë në një takim në hotelin Metropol, por nuk pranoi që të ishte bërë ndonjë marrëveshje por tha që në atë takim kishin marrë pjesë shumë sipërmarrës.
Në regjistrimin e publikuar nga BuzzFeed Neës, Savoini dëgjohet teksa thotë që ka një lidhje të fortë midis rusëve dhe italianëve, duke deklaruar se qëllimi i marrëveshjes ishte “të ndryshojë Evropën”. Savoini gjithashtu dëgjohet në regjistrim duke i thënë italianëve të tjerë në takim se marrëdhënia e tyre me rusët duhet të mbetet e fshehtë
