Gazetari Armir Shkurti thotë se një prej deputetëve të listës së mbyllur të Partisë Demokratike në Qarkun e Fierit, u ble nga Edi Rama dhe punoi për fitoren e socialistëve.
Ai nuk e përmend me emër, por duke qenë se përjashton Gazment Bardhin, që ishte drejtues politik i Qarkut, mbeten ose Luan Baçi, ose Saimir Korreshi.
“Pse me çu ushtri kur blen gjeneralët e kundërshtarit?
Një nga parimet e Soros është pikërisht ky.
Nuk po e gëlltisja rezultatin e qarkut Fier, deri kur më erdhi konfirmimi nga demokratët e përfshirë në fushatë: KALI I TROJËS!
Jo votat e fukarenjve, por Rama ka blerë direkt deputetët e PD e listës së sigurtë. Prisni dëshmitë!
Në Fier, Rama ka arritur të sigurojë mbështetjen e një kandidati të PD së listës së sigurtë, i cili në Facebook punonte për PD, ndërsa realisht në terren ka punuar për të mbledhur vota për Ceno Klosin e PS.
Lajmi ka dalë nga punonjësit e një fasonerie të famshme në Fier, të cilët tanimë kanë filluar të rrëfejnë sesi kandidati i listës së sigurtë i PD, shkonte tek fasoneria dhe u shpërndante punonjëseve fletpalosjet me portretin e socialistit Cenos duke kërkuar votat për të.
Në fakt disa anëtarë të PD kanë konstatuar që të tilla fletëpalosje të kandidatit të PS, gjendeshin me shumicë në makinën e kandidatit në listë të sigurtë të PD, por nuk folën kur duhej, ama tani përsëri nën zë po e thonë.
Nejse, për tu kthyer tek fasoneria, e thonë haptaz në Fier, ( përveç meje që s’jam fierak e s’ kisha nga ta dija) , se sa herë në PD Fier organizohen primare, këta punëtorët e gjorë shkojnë në rresht si simpatizante të PD dhe votojnë kandidatin e paracaktuar.
Nuk besoj se doktor Berisha ta ketë ditur këtë punën e primareve të Fierit se do kish bërë patjetër diçka për ta rregulluar. ….
Unë besoj se shtëpia duhet pastruar urgjent! Zoti nuk hyri tek ne këtë rradhë, ndoshta edhe prej minjve të këtij rangu, që vjedhin brenda shtëpisë. Por që duhet kruajtur me themel e dezinfektuar ajo shtëpi, kjo s’do më as mend e as kalem”, shkruan Armir Shkurti.
