Dëshmitarja e luksit të shfrenuar të Ilir Metës dhe Monika Kryemadhit, për vilën e ngritur padrejtësisht me lekët e shqiptarëve, gazetarja Sonila Meço, e cila do të merret në pyetje kur të hetohen pauritë e Presidentit dhe zonjës së parë të LSI-së, ka folur mnbrëmjen e djeshme, pas shumë kohësh heshtje, për emisionin e saj të realizuar në ish-televizionin “Agon”.
Të gjithë e dimë, se kronika e plotë u fshi menjëherë dhe nuk gjendet gjëkundi edhe sot, nga frika e pronarëve se do të vinte kjo ditë, ku dhe Meta dhe Monika, por dhe gazetarja me stafin e saj që realizoi kronikën… do përgjigjen para drejtësisë, se çfarë i panë sytë në atë vilë dhe çfarë dokumentuan në kamera dhe pse u fshi materiali video?!
Gazetarja Sonila Meço ka pasur të ftuar në studio dhe Monika Kryemadhin, pronaren e vilës së Lalëzit, nga ku deklaroi se ka bërë shumë emisione në karrierën e saj, por nuk i tha shqiptarëve, se vilë të tillë nuk i kishin zënë sytë në asnjë cep të Shqipërisë dhe asnjë kronikë e realizuar prej saj, deri dje të paktën, nuk është fshirë, zhdukur pa lënë gjurmë!
Sonila Meço deklaroi para Kryemadhit dhe shqiptarëve në formë shfajësimi se:
“Kam bërë shumë programe përgjatë karrierës sime dhe bashkë kemi realizuar shumë intervista (I drejtohet Monika Kryemadhit). Dua t’i rikthehem një momenti, që e kam edhe sqarim për publikun.
Ne kemi realizuar një emision veror sëbashku dhe kam ardhur në vilën tuaj në Gjirin e Lalzit dhe në mënyrë krejt abuzive e shoh në portale të ndryshme si akuzë të ngritur ndaj meje.
E para sqaroj publikun se detyra e një gazetari është të informojë. Unë kam hyrë në vilën e Gjirit të Lalzit, jam gati nesër të hyj edhe në vilën e Surrelit të zotit Rama dhe në vilën e çdo politikani shqiptar për të treguar dhe dëshmuar.
Mund të hyj për një emision veror, për një investigim, mu hap dera në Gjirin e Lalzit.”, tha gazetarja.
Ama gazetarja harron se do të dëshmoj… por para drejtësisë kur ta pyesin se çfarë pa që i bëri përshtypje në atë vilë, të dokumentuar me video, që nuk u gjet më kurrë!/Ekskluzive.al
