Dy ditë pas mbledhjesë fundit të jashtëzakonshme të qeverisë me fokus tërmeti, kryeministri Rama mblodhi për herë të dytë Komitetin Kombëtar të Rindërtimit, ku veç shifrave të ofruara mbi dëmet, ende jo të plota, paralajmëroi dhe mbi abuzime të mundshme që janë shfaqur, nga ata që duan të përfitojnë padrejtësisht një shtëpi të re.
Për këtë, tha Rama, po i bien me vare.
“Duhet bërë kujdes për invetarin sepse ka shenja spekulantësh dhe mashtruesish. Ka disa që po i bien me vare shtëpisë së tyre sepse mendojnë se do na i bëjë Qeveria dhe Elvisi (Naçi).
Inventari është ky që është, Shqipëria ka banesa që kanë probleme akoma më të mëdha, por ato nuk hyjnë në këtë program.
Programi bëhet për ata që kanë humbur strehën, ose është e pabanueshme sepse është çarë një mur”, theksoi shefi i qeverisë.
Rama tha se do ketë një raport paraprak pas pak ditësh, por ai përfundimtari kërkon dhe më shumë se një muaj kohë.
“Nuk ka ende nuk raport paraprak të dëmeve përfundimtare. Një grup me ne Bankën Botërore dhe OKB është duke punuar, në 16 dhjetor synohet të dalë raporti i parë paraprak.
Do të ketë një raport paraprak, një të dytë dhe një final në fund të muajit janar për t’i hapur rrugë konferencës së donatorëve”, theksoi Rama.
