Kryeministri Edi Rama i është përgjigjur kritikave të bëra nga Jorida Tabaku.
Në fjalën e tij në Kuvend Rama theksoi se ajo çfarë është bërë për zonat e mbrojtura në këto vite qeverisje nuk është bërë në rreth 30 vite.
Gjithashtu Rama paralajmëron edhe ndërhyrje në Amfiteatrin në Durrës.
“Ju dilni bërtiste për hotelet që rrisin çmimet për kupën, për ato bërtisni ju se do të mbroni konsumatorin italian. Shikojini shifrat dhe se sa janë rritur numrat e të ardhurave.
Mos i qani hallin Butrintit , Teatrit apo stadiumit, as edhe Durrësit, se kemi edhe Durrësit. Kemi aleancën për Amfiteatrit, të bëhet gati, sepse do të vijmë atje të gllabërojmë Teatrin ta heqim nga duart e ilegalëve . Kur të mbarojmë të gjithë këtë punë do vini ju të ndryshoni cilësinë e diellit”, tha kryeministri.
Pjesë nga fjala e Edi Ramës
Një parafolëse ngriti akuza të caktuara por megjithatë unë këtu jam dhe i sqaroj. Lidhja që bëni ju shkak-pasojë nuk bazohet në asnjë fakt. Ndërsa fakti është se deri në 2018 e gjithë harta e zonave të Mbrojtura ishte e pandryshuar, në rastin e Butrintit prej 20 viteve.
Nuk e di çfarë keni me investitorët strategjik por dihet se për çfarë duhen dhe unë nuk do të rri ta shpjegoj këtu. Ne jo vetëm që nuk kemi ngrënë zona të mbrojtura por i kemi gjetur pjesërisht të ngrëna që ishte e kafshuar nga ndërtime pa leje që ju i stimuluat ne i kemi zgjeruar, duke ndaluar leje hidrocentralesh të dhëna prej jush. Ne kemi vënë në mbrojtje çfarë mundëm të shpëtojmë nga Lumi i Valbonës ku ju dhatë 11 leje hidrocentralesh.
Po ashtu kemi të gjithë zonën e Thethit dhe të Valbonës nën kujdes. Kemi Munellën që shpallet par Kombëtar. Shpallja si zona të Mbrojtura ka ardhur si rezultat i agresioni mbi to për shkak të lejeve të dhëna nga ju, të gjithë këtu që përfaqësoni këtu atë që ishte.
Shembulli tjetër që dua të sjell është kur thatë që stadium Qemal Stafa ishte ikonë. Ai që mbani mend ju ishte sheshi i përdhunimit të një ikone. Ikona është aty, nuk e di a do shkoni ju në stadium apo jo, po kur të shkoni do ta shikoni ikonën aty. E gjithë tribuna e vetmja gjë e mbetur autentike , hiq reliefët e përdhunimit mbi të që i mori Buldozeri është aty.
Pjesa tjetër e stadiumit ikonë ishte shto miell shto ujë. Fakti që sot aty nga një vend i braktisur ku gjenin strehë makinat e vjetra që shkonin të ndërronin goma dhe ku as ekipi Kombëtar nuk shkonte dot më sepse ishte stadium non-grata nga UEFA flet vetë. Tani për britmat e Teatrit ju them të njëjtën gjë, i vetmi problem që kam unë është që nuk e prisha dot para.
20 vjet një paçavure kot që nuk kishte asnjë vlerë ku njësoj si me stadiumin asnjë trupë e huaj nuk pranonte të luante. Edhe aty do të ndodhë e njëjta gjë. Në Teatrin Kombëtar do të ketë evente ndërkombëtare që nuk do të mund të ndodhnin në atë karakatinë që mbronit ju. Çdo gjë që mbroni ju duhet shkatërruar…Kur ju e kishit pushtetin nuk mbrojtët asgjë….Si do ta bëjmë vendin, me Hotel Shkëlzenin tek Gjenica”.
