Ai grusht ishte simbolik edhe pse i dhunshëm, donte te tregonte se doktori nuk është i paprekshëm. Po kush ja çoi selamin doktorit?
Në një situatë normale çdo politikan do ta priste me shumë entuziazëm një sulm ndaj tij.
Pasi statusi i viktimës është baraz me atë të fituesit. E në fakt shumë qarqe kështu e perceptuan sulmin ndaj Sali Berishës.
Vetëm doktori, u kujdes të tregonte se ai grusht i atij djalit që ende nuk merret vesh kush ishte e çfarë ishte, i dhëmb shumë. Jo thjesht fizikisht, po si ka mundësi që vjen një person e çan koridorin e një eskorte “legjendare” e i gjuan grusht turinvje doktorit? Andi Bushati, nuk priti shumë, por ja atashoi këtë akt Yuri Kimit, a thua se ambasadorja e SHBA është ‘lace’ e Kodrës së Priftit.
Megjthatë, Sali Berisha, nuk e fshehu pezmin e grushtit në fytyrë, pasi është hera e parë që ai është goditur, nga një person në dukje pjesë e protestës që ai ka thirrur, por që për pak sekonda ka hyrë në koridor dhe ja ka mbështjellë me grusht në fytyrë. Nuk se është ndonjë tmerr! Mund të jetë, fanatik, budalla, socialist, apo i Lulit, që në fund të fundit, bodigardët e Saliut e grinë në dru. Pastaj policia e shoqëroi…
Berisha, tha se ka marrë para nga Edi Rama për ta goditur. Edhe ndoshta, por çfarë ka fituar kryeministri me atë grusht? Çfarë realisht? Nejse kjo është pyetje për Alfred Cakon, por në thelb, Sali Berishës ai grusht i ka dhëmbur shumë. Pasi i ka kujtuar Edi Ramën, i cili shumë vite më parë u sulmua egërsisht me levë në kokë. U sulmua Ndre Legisi, Teodor Keko, Neritan Ceka, Gjergj Zefi, Arben Imami, Ramiz Alia, Fatos Nano, Ilir Meta. I vetmi që nuk është goditur në vite ishte Sali Berisha. Sepse vetë e ka ushqyer këtë logjikë, pra të paprekshmërisë.
“Nëse prekem unë, vdesin të tjerët”. Dhe kanë vdekur shumë. Berisha është një njeri që ka viktima të panumërta në firmën e tij. Por kësaj radhe, atij u bë e ditur se nuk është më i paprekshëm.
Ai grusht ndaj tij ishte një veprim apo akt i dhunshëm, pasi e sulmoi pa të drejtë Sali Berishën. E si i tillë duhet dënuar, madje fort. Si akti, ashtu dhe njeriu që e kreu. Mirë do të ish që të mësohet se kush e shtyu Gerti Shehun të grushtojë Saliun. Ai grusht ishte simbolik edhe pse i dhunshëm, donte te tregonte se doktori nuk është i papkrekshëm. Po kush ja çoi selamin doktorit?
Berisha përmend islamikë, duke lëvizur nëpër gojë Erdoganin. Të cilin e ka sulmuar fort prej kohësh. Gerti ishte njeri që shkonte në xhami dhe rrinte me erdoganistët. Ky është fakt, por Berisha do t’ja ngjisë Edi Ramës fajësinë. Edhe mund të ndodhë se Rama, Berishën ka inat, sidomos duke pasur parasysh që para ca vitesh Edi desh vdiq ngaqë u sulmua me levë në kokë.
Po kush dhe pse e sulmoi Sali Berishën?
Kjo është enigma! Doktori ka shumë armiq të thuash të drejtën, por fakt është se ky grusht i ka dhëmbur shumë, sidomos nga fakti që Ilir Meta u gëzua hapur për këtë incident…/Pamfleti
