Partnerët tanë ndërkombëtarë janë konstantë në vlerësimin e tyre për Presidentin e Republikës së Shqipërisë, Ilir Meta. Ata e konsiderojnë atë si një të keqe që i ka mbetur Shqipërisë në kurriz prej gati 30 vitesh. Dhe për më tepër që “ushqehet” duke abuzuar me pushtetin.
Herë indirekt e herë direkt, që nga SHBA, BE e deri tek OSBE ia kanë bërë të qartë Ilir Metës se ata e konsiderojnë politikanin më të korruptuar në vend, të lidhur me një mijë e një fije me krimin, trafiqet dhe abuzimin me pushtetin. Ndaj është acaruar Ilir Meta me partnerët.
Nëse mendohej se shkaktarët e qëndrimit të pandryshuar për Metën ishin ish ambasadorët Donald Lu, Romana Vlahutin apo ambasadorët e radhës të OSBE, e njëjta linjë vijon dhe tani. Ata që i kanë zëvendësuar po ndjekin të njejtin “trend” në vlerësimin për Presidentin aktual.
Dhe ky qëndrim është mot a mot me atë që ka përcaktuar prezenca e OSBE në Tiranë kohë më parë, në një raport konfidencial të saj për zyrën qëndrore në Vjenë.
Përcaktimi për Ilir Metën përfshihej në një fjali të tmerrshme për një politikan: Mafioz dhe i lidhur me elementë kriminalë.
“Ilir Meta ka interesa në ndërtim, turizëm, materialet e ndërtimit dhe energjitikë. I dyshuar për lidhje të forta me aktorë të mafias, kryesisht nga Jugu i Shqipërisë.
Ka zëra se udhëroi të paktën dy vrasje ndërsa ishte zv.kryeministër. Halit Shahini, ortak dhe korrier i Metës, dyshohet të ketë lidhje të forta me grupe kriminale në Shijak, të përfshira kryesisht në trafikun ndërkombëtar të drogës”, kanë qënë përcaktimi deciziv për Metën i këtij partneri të rëndësishëm për Shqipërinë, i mbështetur më shumë nga SHBA.
Praktikisht Shqipëria ka në krye të shtetit një mafioz, të lidhur me krimin, abuzimin me pushtetin dhe me biznese të mëdha që po i marrin frymën këtij vendi. Presidenti ynë i zhytur në llum dhe një kontigjent serioz i përballjes me drejtësinë e re për të dhënë llogari për të gjitha zullumet, bën si “atlet” i zbatimit të ligjit dhe Kushtetutës sa herë del në publik./Pamfleti
