Për shumë vite, Adi Krasta është konsideruar si “ylli” i televizionit.
Kulmin e arriti kur prezantonte “12 netët” në RTSH, dhe më pas, për disa vite vendosi të largohej nga Shqipëria, për të punuar në BBC.
Pas rikthimit në Shqipëri, ai arriti një tjetër sukses me “Ethet e së premtes mbrëma”, po në RTSH, duke konkurruar emrra të pakonkorrueshëm nga televizioni shtetëror, si fjala vjen Top Channel, që atëhere ishte në kulmin e vet.
Më pas kaloi në Top Chnannel, ndërsa drejtoi edhe Festivalin e RTSH-së.
Pra një karrierë për t’u pasur zili, si prezantues, ndërsa me kalimin tek Agon Channel, u bë edhe një karrierë fitimprurëse, për shkak se, siç thuhet, merrte një shifër të çmendur prej 200 mijë eurosh në vit.
Duhet thënë se ai nuk është përfshirë kurrë në gazetarinë politike dhe është marrë vetëm me prezantim dhe spektakle.
Gjatë qeverisjes së fundit të Berishës, ai është shprehur vetëm një herë kundër këtij të fundit, gjatë një monologu, në të cilin mbështeste Edi Ramën.
Por, me ardhjen në pushtet të këtij të fundit, gjërat ndryshuan dhe në dy vitet e fundit, Krasta duket se e ka kthyer në mision luftën ndaj Ramës.
Arsyeja duket të jetë tej profesionales, pasi siç e thamë, ai nuk është përfshirë kurrë në gazetarinë politike, por ka qendruar gjithmonë tek prezantimi dhe spektakli.
Nuk dihet se çfarë e ka shkaktuar këtë hidhërim me Ramën, por kur sapo ky i fundit kishte ardhur në pushtet, u raportua për një “darkë të gabuar”, në të cilën gjendeshin si Rama, ashtu edhe Krasta.
U fol për një sherr mes tyre, madje edhe për përdorimin e pirunjve.
Më pas erdhi edhe mbyllja e Agon Channel nga Rama, në të cilin Adi Krasta ishte “mbret” dhe merrte jo pak, por 200 mijë euro.
Një arsye e fortë për t’u zemëruar me Ramën!
Që atëhere, Adi Krasta, ylli simpatik i televizionit, është kthyer në një idhnak tërësisht politik, me një emision sa tek TV i Hysenbelliut, e sa tek ai i djalit të Berishës, që merret ekskluzivisht vetëm me Edi Ramën.
Aty fton lloj lloj sharlatanësh, vetëm pse janë kundërshtarë të Edi Ramës, ndërsa edhe ndonjë socialist që i shkon në emision, përpiqet më të gjitha mënyrat ta denigrojë.
Jo se Edi Rama është ndonjë burrë mirë dhe socialistët nuk e meritojnë t’i demaskosh, por të lë një shije të hidhur ky transformimi i Adi Krastës, nga një yll televizioni, në një gazetar propagande, nën varësinë e Çim Pekës.
Sikur nuk i shkon kjo keqkatandisje!