Këtë tip resolute pro-Bularat, 12 deputetët ku bëjnë pjesë bijë e bija me kombësi, origjinë, shtetësi e biznese greke, kanë menduar ta maskojnë, me “merakun për mos-hapjen e negociatave në BE”, ku siç dihet, “komandantja ushtarake e Vorio- Epirit” Eleni Theocharous dhe disa “kokrra” të tjera në politikën e qeverinë greke, kanë deklaruar se do bllokojnë me “VETO”
Sulmi ushtarak e fetar grek në Bularat, vazhdoi dy ditë më parë, me kërkesën publike të ish-deputetit Ligoraq Karamelo, aktualisht kryetar i organizatës “Omonia” në Korçë, i cili, i kërkoi deputetit Vangjel Dule, të aktivizojë falangat e zeza pro-greke në parlamentin shqiptar, për të shfuqizuar vendimin, për shpalljen “non grata”, të euro-deputetes neo-fashiste greke, Eleni Theocharous.
Pas kësaj thirrje, deputeti Vangjel Dule është hedhur në veprim, për të aktivizuar grupin e deputetëve grekë në parlamentin shqiptar, me qëllim, që të paraqesin në parlament, një kërkesë tip resolute, për të hequr masën e ndalimit “non grata”, për “shefen” e tyre Eleni Theocharous dhe 52 “ushtarët” e saj grekë, që sulmuan tokën shqiptare.
Sipas informacionit, në përgjigje të kërkesës së “Omonia”-s, që në fakt është detyrë e ngarkuar nga Greqia, deputeti i PD dhe kryetari i PBDNJ, Vangjel Dule, ka arritur të bindë, riaktivizojë e hedh në veprim, 11 deputetë të tjerë nga PD, PS e LSI.
Tashmë, me Vangjel Dulën në krye, 12 deputetë të që kanë “ngrënë karamelen” e Ligoraq Karamelos, janë gati për t’iu drejtuar Kuvendit, me kërkesë në formë rezolute, për të shfuqizuar pa asnjë kusht, vendimin e ndalimit, të hyrjes në Shqipëri të Eleni Theocharous.
Në “çetën” pro-greke, për të hequr masën e ndalimit “non grata” të deputetes anti-shqiptare Eleni Theocharous, bien në sy dhe emrat e Vangjel Tavos, Anastas Angjelit, Genc Pollos, Vasilika Hysit (vajzë xhaxhai e Panajot Barkës) etj./Pamfleti
Deputetët që do mbështesin në parlament, kërkesën e organizatës “Omonia”
Vangjel Dule
Vangjel Tavo
Anastas Angjeli
Edmond Panariti
Andrea Marto
Genc Pollo
Niko Peleshi
Vasilika Hysi
Milva Ekonomi
Ilirjan Pendavinji
Adelina Rista
Antoneta Dhimas
