Një histori e pazakontë ka ndodhur pranë brigjeve të qytetit të Malagës në Spanjë.Tre efektivë të policisë desh humbën jetën pasi gomonia e tyre u përplas me atë të trafikantëve që po ndiqnin gjatë një operacioni. Pas përplasjes së gomoneve, efektivët përfunduan në det, por ndryshe nga sa mund të pritej, nuk e shfrytëzuan që të largoheshin, por ua shpëtuan jetën. Pak minuta pasi ndihmuan efektivët e Rojes Civile, ata të katërt u vunë në pranga ndërsa iu sekuestruan tre ton kanabis në formë çokollate.
Operacioni po ndiqej nga ajri edhe nga një helikopter ndërsa videoja u shpërnda më pas nga vetë autoritetet spanjolle. Identiteti i katër të arrestuarve nuk është bërë publik, dihet vetëm që lënda vinte nga Maroku.
