Ambasadorja e Shteteve të Bashkuara të Amerikës, Yuri Kim, ka postuar një raport të Bashkimit Evropian për sa i përket lajmeve mbi koronavirusin. Yuri Kim në reagimin e saj shkruan se po fshihet e vërteta për koronavirusin me anë të lajmeve të rreme.
“Raporti special i EEAS tregon se ata që kërkuan të dobësonin Shqipërinë pak vite më parë, i janë futur sërish punës, duke përdorur dizinformimin dhe propagandën për të fshehur të vërtetën, të heqin fajin dhe të pretendojnë se janë “shpëtimtarë” në krizën që shkaktuan vetë. Historia ka rëndësi, faktet kanë rëndësi”, shkruan ambasadorja, Yuri Kim.
Në raportin e postuar nga Yuri Kim që është një studim i EEAS thuhet se kohët e fundit po qarkullojnë shumë lajme të rreme që synojnë të fshehin të vërtetën për koroanvirusin.
Ndër të tjera në këtë raport thuhet se një shembull i “Fake Neës” mbi koronavirusin është kur thuhet se CoVid-19nuk shpërtheu në Ëuhan të Kinës, por në SHBA ose në laboratorët e zotëruar nga SHBA nëpër botë.
Në lidhje me Ballkanin, në raport lexohet: “Lajmet e rreme në lidhje me Covid-19 thonë se virusi “është zhvilluar në një laborator për të shënjestruar Kinën dhe Iranin”.
Një lajm i tillë është parë në disa media të rajonit. Përhapja e lajmeve të tilla sjell disa rreziqe në Ballkan, pasi mund të përdoren si armë në zgjedhjet e ardhshme në Serbi dhe Maqedoninë e Veriut; mund të përdoren kundër emigrantëve dhe mund të përdoren nga burime të huaja për të manipuluar lajmet lokale”.
Më poshtë është një pasqyrë e narracioneve të lajmeve të rreme që po qarkullojnë aktualisht:
– Koronavirusi është një armë biologjike e vendosur alternative nga Kina, SH.B.A., Mbretëria e Bashkuar apo edhe Rusia (me qëllim shkatërrimin e BE-së dhe NATO-s)
-Koronavirusi nuk shpërtheu në Wuhan, Kinë – SH.B.A.-ja po fsheh origjinën e saj të vërtetë, e cila në fakt është laboratorët amerikanë ose pronë e SHBA në të gjithë botën
-Përhapja është shkaktuar nga migrantët dhe emigrantët që po zbarkojnë në BE
– Koronavirusi është i lidhur me 5G (p.sh.,Wuhan si një tokë testimi 5G)
– BE nuk ka arritur të trajtojë krizën – BE është një katastrofë për Evropën
-BE nuk është e gatshme të sigurojë mbështetje urgjente për Shtetet Anëtare – përkundrazi, ata duhet të mbështeten në mbështetje të jashtme (p.sh., Italia), me Kinën e përmendur më shpesh si burimin e një ndihme të tillë
-Kina po vjen për të shpëtuar BE ndërsa Brukseli braktis vendet anëtare të BE-së
– Shengen nuk ekziston më – Evropianët janë në karantinë, por migrantët mund të lëvizin lirshëm
– Koronavirusi është një shaka, nuk ekziston
-BE mund të vendosë vaksinime masive.
(Kliko ketu per te pare raportin e EEAS)
