Burimet bëjnë me dije se ish-kryeministri i akuzuar për korrupsion është takuar në Tiranë me Presidentin shqiptar, Ilir Meta, pak orë para se t’ia mbathte
Arratisja e ish-kryeministrit të Maqedonisë, Nikola Gruevski, ka tronditur jo pak politikën shqiptare. Mediat e huaja dhanë alarmin një ditë më parë se ish-kryeministri i shpallur në kërkim ndërkombëtar ishte arratisur përmes Shqipërisë.
Këtë fakt e pranoi edhe policia shqiptare, e cila tha mbrëmjen e kaluar se e ka lejuar Gruevskin të kalonte nga pika kufitare e Hanit të Hotit, në drejtim të Malit të Zi. Kjo ka alarmuar edhe më shumë politikanët shqiptarë pro-rusë, të cilët padyshim që e kanë ndihmuar mikun e tyre të shpëtojë ‘kokën’ nga burgu.
Por kush e ndihmoi Gruevskin të largohej nga Tirana drejt Budapestit?
Burimet bëjnë me dije se ish-kryeministri i akuzuar për korrupsion është takuar në Tiranë me Presidentin shqiptar, Ilir Meta, pak orë para se t’ia mbathte, ku nuk përjashtohet mundësia që Gruevski t’i ketë dhënë porosi Metës se e pret në Hungari për të shpëtuar nga goditja që do t’i japë drejtësia e re edhe politikës shqiptare.
Ndonëse nuk dihet zyrtarisht, ka dyshime të forta që Gruevski të jetë ndihmuar pikërisht nga Ilir Meta, i cili është edhe vetë në ‘dosjen e zezë’ të ndërkobëtarëve, i etiketuar prej tyre dhe prej popullit shqiptar si ‘koka’ e korrupsionit në gjithë Ballkanin.
Mendohet që Meta, në bashkëpunim edhe me Sali Berishën, janë dy politikanët shqiptarë që kanë ndihmuar Gruevskin të arratiset, për ta strehuar atë te miku i tyre i ngushtë, kryeministri i Hungarisë, Viktor Orban, i cili po ashtu është në ‘dosjen e zezë’ të perëndimorëve.
Shtetet e Bashkuara të Amerikës dhe Bashkimi Evropian kanë reaguar ashpër dje për arratisjen e Nikola Gruevskit, duke kërkuar me çdo kusht kthimin e tij në Maqedoni për të vuajtur dënimin, duke ju përcjellë kështu tërthorazi mesazh edhe politikanëve të korruptuar shqiptarë se shumë shpejt do të kalben në burg dhe nuk do të mund t’i shpëtojë dot as Rusia dhe as Hungaria./Pamfleti
