Shoqërohen 40 persona për grabitjen e 10 milion eurove në aeroportin e Rinasit.
Mësohet se Prokuroria ka lëshuar 4 urdhër-arreste për personat që ruajnë sigurinë në aeroportin e Rinasit.
Kjo ka ndodhur për shkak se grabitja e sotme ka nxjerrë në pah skandalin me sigurinë në aeroportin e vetëm ndërkombëtar të Shqipërisë.
Grabitje potrhuajse të njëjta me ditën e sotme kanë ndodhur edhe dy herë të tjera, njëra në vitin 2017 dhe një tjetër në vitin 2017.
Ndërkohë gjatë ditës së sotme rreth orën 15:00 4 persona të maskuar me veshje ushtarake rrëmbyen rreth 10 milion euro nga aeroplani në pistë, por teksa tentuan të largoheshin në ndjekie të tyre u vunë forcat e FNSH-së dhe rojet e aeroportit.
Rreth 1 kilometër larg vendit të ngjarjes, autorët hapën zjarr ndaj policisë dhe gjatë shkëmbimit të zjarrit një plumb e ka zënë në kokë një prej autorëve duke i shkaktuar vdekjen e menjëhershme.
Trupi i pajetë ka mbetur për disa kohë në vendin ne ngjarjes me armë në dorë dhe më pas trupi është transportuar drejt morgut të Tiranës, ku pritet t’i nënshtrohet ekspertizës si dhe të identifikohet.
Tre personat e tjerë janë larguar në drejtim të Fushë-Krujës, ndërkohë dyshohet se autorët janë të moshës së re, nga 20 në 30 vjeç.
Ata kanë lënë mjaftueshëm prova në vendin e ngjarjes si dhe brenda furgonit të përdorur për grabitje, çka mund të çojë në identifikimin e shpejtë nga forcat policore.
