Klajdi Qato është një nga të mbijetuarit e tërmetit të 26 nëntorit. Ai u bllokua nën rrënoja në vilën “Palma” në Durrës. Mjeku vullnetar Grej Malo u shpreh se operacioni ishte i vështirë por Klajdi i ka dhënë një ndihmesë edhe ekipit:
“Duke qenë se është inxhinier elektrik ndihmën e parë ia kishte dhënë vetë vetes”, tha ai.
“Operacioni ka zgjatur 21 orë. Në ato momente nuk mendon për frikën, ke vetëm solidaritetin duke menduar vetëm për pacientin. Klajdi kishte një psikologji shumë të mirë, morali i tij na ndihmoi që edhe ne ta ndihmonin. Nën rrënoja kishtë bërë disa struktura mbajtëse, kishte fashuar kokën pasi ishte dëmtuar, ndihmën e parë ja kishte dhënë vetë vetes. Klajdi është inxhinier, kishte një hapësirë tejet të vogël, dhe gjatë punimeve për të hapur një tunel të vogël për të arritur te Klajdi ekzistonte frika. Ai ishte tepër korrekt, së bashku komunikonim me një radio që u munduam të ja kalonim Kljadit” ”, tha mjeku.
