Xhejson Bafti, vogëlushi që bëri për vete shqiptarët me të folurën karakteristike, teksa nuk shqiptonte dot shkronjën “k”, ka nisur sot rrugën e gjatë të dijes.
Xhejson, ose i njohur gjerësisht edhe si “Taramelja”, është ulur ditën e sotme në bankat e shkollës, duke nisur klasën e parë, në shkollën “Mihal Grameno”, në Tiranë.
Një urim të veçantë për vogëlushin ka bërë kryebashkiaku i Tiranës, Erion Veliaj, i cili shkruan në “Facebook” se pas shtëpisë së re, Xhejsoni nisi mësimet në shkollën më të rinovuar.
“Suksese për klasën e parë Xhejson! Pas shtëpisë së re, miku ynë i vogël Xhejson Bafti nisi mësimet dhe në shkollën më të rinovuar fare pranë, “Mihal Grameno”, për rastësi dhe lagjja ku jam rritur unë! Na bëj krenar tani “talamele””, shkruan Veliaj.