Kryeministri Edi Rama ka inspektuar nga afër Porto Romanon, ku pritet që të ndërtohet një park i madh, ndërkohë që aty po shkarkohen edhe inertet e mbledhura nga tërmeti.
Mes të tjerash, deputetja e PS për Durrësin, Klodjana Spahiu e njoftoi Ramën se në zonën e Porto Romanos kishte shkuar edhe kryetari i PD-së Lulzim Basha në një fasoneri.
Teksa u habit se çfarë kërkonte Basha në një rrobaqepësi, kryeministri tha se lideri i PD-së ka bërë aq sa ka mundësi, ndërsa ironizoi analistët e asaj çka ai e quajti ‘laguna mediatike’.
Klodjana Spahiu: Kishte ardhur dhe Luli tek lagjja.
Rama: Ah kishte ardhur për vizitë??
Klodjana Spahiu: Ishte në një rrobaqepësi.
Rama: Ah…po pse në rrobaqepësi?!
Klodjana Spahiu: Se di, se kuptova pse. Mos është bërë ndonjë dëm.
Rama: Hajt mo, çdo bënte ai në këtë situatë më shumë. Po analistët, analistët…
