Propozimi për martesë është padyshim një nga momentet të rëndëishme në një histori dashurie.
Shumë femra presin gjithë jetën për ketë moment, duke vënë në presion kështu partnerët që të mendojnë një propozim sa më romantik.
Do të ketë një unazë të fshehur në ëmbëlsirë, do të ketë qirinj apo do të ulet në gjunjë në mes të njerëzve për të të bërë pyetjen 1 milion dollarëshe?
“Iconstyle” sjell sot 10 propozimet më romantike për martesë të çifteve të njohura shqiptare.
Për ju që e keni në planet tuaja të afërta, por edhe për ju që nuk e keni fare në plan martesën: Shikoni dhe mësoni!
Alban Skënderaj dhe Miriam Cani. Propozimi i dy këngëtarëve ka qenë një ndër më të veçantit, i realizuar 20 metra nën thellësinë e Oqeanit Indian. E ftuar pak ditë më parë në emisionin Pop Culture, anëtarja e jurisë të The Voice Kids, Miriam Cani rrëfeu se ky moment ishte sa magjik por edhe i frikshëm. “Kur erdhi Albani me këtë gjë u emocionova aq shumë saqë harrova të gjitha rregullat që instruktori na kishte thënë më parë dhe fillova të lëvizja fytyrën time ngaqë po qaja. I gjithë uji u fut brenda në maskë. Ne nuk na lejohej fare të lëviznim. Isha gati duke u mbytur. Albani më thoshte qetësohu, rrëfeu ajo duke mos fshehur sërish emocionet.
Historia e Ledionit është një nga ato historitë e befasishme që moderatori ka ndarë pak kohë më parë me publikun. Ai publikoi një foto ku shihej se i kishte vendosur unazën në gisht Sarës. Moderatori tregoi se ndryshe nga sa prisnim, propozimi ishte spontan dhe nuk pati gota me shampanjë apo veshje elegante klasike si në filma. Dita kur ajo tha Po dhe më pas hëngrëm churros për ta festuar! zbuloi Ledioni me këtë foto duke na lënë të kuptojmë se ndonëse ky moment nuk kishte petale trëndafili por ushqim spanjoll, mbetet sërish romantik.
Propozimi për martesë që i bëri partneri Afërdita Dreshajt, ka qenë me siguri ai që këngëtarja ka ëndërruar. Nata ishte romantike, me lule, qirinj dhe aromën e detit. Unaza me diamant ishte e personalizuar, e dizenjuar enkas për Afërditën në SHBA. Jakubi zgjodhi hotelin ku kishin qëndruar herën e parë kur Afërdita kishte shkuar në Pragë. As në ëndrra nuk e kisha imagjinuar ashtu. Nuk e prisja fare, deri në momentin që ai është ulur në gjunjë nuk e kam kuptuar se çfarë po ndodhte dhe kjo besoj që e bëri të paharrueshme për ne të dy atë moment, rrëfeu Afërdita.
Martesa e papritur e Angela Martinit dhe biznesmenit rumun Dragos Savulescu ishte një vendim brenda natës. Ishte fillimisht miliarderi rumun, ai i cili njoftoi përmes një postimi se tashmë çifti ishte zyrtarisht burrë dhe grua. Dyshja kishte kohë që jetonte bashkë dhe ata dukeshin më të lumtur. Vendimi për t’u martuar në Las Vegas, ishte aq i befasishëm ka treguar Angela: Ishim në LA dhe një nga miqtë tanë na ftoi të shkojmë në Vegas. Unë dhe Dragos ramë dakord dhe në mëngjes, ditën përpara se të niseshim për në Vegas, u zgjuam pranë njëri-tjetrit dhe duke u parë në sy thamë: le të martohemi! Filloi si një shaka. Dragos Savulescu u kujdes për gjithçka, madje edhe për fustanin seksi të nusërisë që veshi Angela. Epo, çfarë ndodh në Vegas mbetet në Vegas!
Vokalisti i NRG Band, Besnik Qaka, i ka dhënë fund beqarisë pak muaj më parë, pasi prezantoi të dashurën e tij buzë detit. Ai kishte menduar një propozim mjaft romantik, në bregdet në perëndim të diellit. Momentin e ndau në rrjetin social Instagram, ku shihej duke u puthur me Lolën. Ka mjaftuar simboli i unazës dhe i një zemre për të kuptuar se vokalisti i grupit NRG është mjaft romantik, edhe pse deri në këtë moment, ai ka qenë i rezervuar përsa i përket jetës private. Mesa duket femra që ka në krah e ka bërë të ndryshojë mendim.
