Zëdhënësi i Ministrisë së Shëndetësisë në Kosovë, Faik Hoti tha për “Radion Evropa e Lirë” se Serbia do t’i dhurojë Institutit të Shëndetit Publik në Kosovë 1000 teste për koronavirus.
Ai shtoi se Kosova do t’i sigurojë edhe 2000 teste nga një marrëveshje e mëhershme.
Hoti tha se të premten do të mësohet dhe fituesi i tenderit edhe për 10.000-13.000 teste të tjera.
Nga 8 shkurti, në Kosovë janë testuar 3915 persona, nga të cilët 449 kanë rezultuar pozitivë me Covid-19.
Autoritetet kanë bërë të ditur se në territorin e Kosovës janë shënuar 12 raste të vdekjes si dhe 79 të shëruar, si pasojë e këtij virusi.
Sipas të dhënave të Organizatës Botërore të Shëndetësisë në Kosovë, kjo e fundit ka pasur gjithsej 600 teste të enjten.
