Lulzim Basha ka bërë sot një paralajmërim të fortë qesharak si çdo gjë që artikulon në daljet prej idioti publik-politik. Ai është shprehur se qeveria duhet të mbështesë qytetarët dhe bizneset që nuk po funksionojnë për shkak të masave të marra kundër koronavirusin dhe se duhet të ndalohen shpenzimet korruptive që paratë të shkojnë në ndihmë të atyre që kanë më shumë nevojë.
Më pas lideri demokrat theksoi se kjo qeveri ka humbur prej kohësh legjitimitetin dhe nëse nesër do të kishim zgjedhje në Shqipëri, do të pësonte disfatën më të thellë, një katastrofë elektorale.
“Nuk ka asnjë shans, nëse zgjedhjet bëhen nesër, PS për shkak të Edi Ramës dhe për shkak të keqmenaxhimit të gjithçkaje, mosmbajtjes së premtimeve, apo për pandeminë, do të ketë një katastrofë elektorale të paprecedent në 30 vite”, tha Basha.
Në një lidhje direkte me Abcnews, Basha tha se në kushte të tilla Qeveria duhet të heqë dorë nga shpenzimet e luksit, apo kontratat korruptive.
“Ekonomia duhet të mbështetet me subvencione, pasi ka një rënie të konsumit dhe mbyllje të shumë aktiviteteve.Në vend që të veprohet që t´i shkohet në ndihmë fasonëve, ku janë të punësuar 70 mijë shqiptarë, Qeveria vijon me shpenzimet e luksit.
