Kryeministri Edi Rama shprehet se nga kjo e dielë do të pasohet nga lehtësime të vazhdueshme në vijim
Me anë të një postimi në Facebook, Rama gjithashtu shprehu “merakun e madh” që lidhet me sjelljen individuale “sipas rregullave të mbrojtjes së shëndetit për veten, familjen, shoqërinë”.
“Kjo e dielë e bukur me frymëmarrje më të qetë, do të pasohet nga lehtësime të vazhdueshme në vijim, por mbetet meraku i madh i sjelljes individuale sipas rregullave të mbrojtjes së shëndetit për veten, familjen, shoqërinë!
Deri në daljen e vaksinës, e gjithë bota po shkon drejt një normaliteti të ri, me kufizime të arsyeshme që fillojnë nga vetëdija njerëzore e qytetare e secilit prej nesh.
Kemi një bilanc fantastik deri këtu, të arritur së bashku dhe është e pajustifikueshme që të kthehemi mbrapsht, si pasojë e mungesës së vëmendjes ndaj shëndetit”, shkruan Rama në rrjetin social. (TemA)
