Kryeministri Rama gjatë prezantimit të projektit për rindërtimin e Kombinatit nuk la pa ‘thumbuar’ as opozitën, por edhe ata qytetarë të cilët e kritikojnë në rrjetet sociale për projektet 3D që prezanton.
Madje Rama i krahasoi edhe me një shprehje të priftit të filmit ’14-vjeç dhëndër’, i cili thoshte po nuk e vura dorën në plagë nuk iu besoj.
“Qindra mijëra kërkojnë shtëpi të reja. Ne nuk jemi Gjermania, as Franca jo e jo. Brenda mundësive kemi bërë atë që askush nuk ka pasur mundësi që t’i bëjë. Fakti është që kemi gjetur borxhe ndaj njerëzve që vuajtën përmbytje pas përmbytje dhe nuk morën kokërr leku nga ata që sot pretendojnë që do iu japin shqiptarëve të hanë me lugë flori. Sot ka shumë familje në Itali që prej 15 vitesh jetojnë në kabina dhe presin rindërtimin, ka edhe shembuj suksesi si në Friuli.
Për shkak të tërmetit u bë transformim urban. Ka zona ku njerëzit janë në kabina. Sot që flasim ka shumë vende njerëz që nuk kanë marrë një cent nga shumat e angazhuara për t’i mbështetur. Duke u kthyer tek Kombinati. Mendoj që ky projekt tregon shumë për atë që duam të bëjmë. Këto janë projekte masive. Kemi nevojë të hyjmë në infrastrukturë të re dhe të krijojmë pole dhe pika të reja referimi.
Kombinati është destinacion edhe për jetën e natës dhe turistët. I përkasin institucionit të rinisë. Shumë shpejt do të ndërtojmë shtëpitë e para individuale. Janë zona të reja me shtëpi të qënderzuara. Shkollat do të hapin dyert më 26 nëntor. Do të mungonin edhe për shumë vite të tjera nëse tërmeti nuk do të na kishte “kujtuar”. Për ta mbyllur, unë e di që durimi është mall që shumë i vështirë për t’u gjetur në vendin tonë. I kuptoj që e duan shumë dhe e duan tani. Por nuk ka rrugë tjetër që të punojmë pa pushim dhe nuk po rrimë asnjë natë. Po të mundeshim do të bënim më shumë, si thotë edhe ajo fjala.
E kam posaçërisht për shumë miq në Facebook, që zëre se e thonë që me këto 3D po na merrni në qafë. Çdo gjë fillon në momentet kur e shohim në ëndërr, e konceptojmë, sigurojmë financimin dhe zbatojmë projektin, zhvillohet gara, nënshkruhet kontrata. Ajo që na dallon me ata para nesh që pretenduan se bënë shumë, por i lanë pa bërë, është se ne i japim kohën e duhur konceptimit.
Nuk futemi si ndërtues pa leje që pushtojmë tokat e të tjerëve. I falet njerëzve dhe familjeve por jo një qeverie të sillet si ndërtues pa leje. Thjesht për të rendur kryeministri me daulle për të përuruar rrugët në 4 anët, do të ngelnin në klasë çdo njëri që ka mbushur ato viza. Ne jemi si atdheu i Shën Thomait, po nuk e prekën nuk besojmë.”, u shpreh kryeministri Rama.