Flori Mumajesi i pranishëm në festën e ditëlindjes së organizuar për 22 vjetorin e Arilena Arës, ka tërhequr jo pak vëmendje.
Ka qenë Labinot Gashi ai i cili ka ndarë disa foto dhe video të Florit me një vajzë elegante, me të cilën kantautori qëndron shumë afër!
Madje të gjithë vendosën t’i drejtohen asaj si “Flutura” dhe nuk e dimë nëse ky ishte emri i vajzës, apo një kod mes miqsh që i referoheshin diçkaje tjetër (një titulli kënge mbase).
Në njërën nga fotot Flori u shfaq duke përqafuar vajzën elegante, ndërkohë gjatë këngës së ditëlindjes së Arilenës, shohim se në tavolinë me Florin qëndron një vajzë mjaft simpatike!
Të jetë vallë ajo Flutura?!
Festa vijoi deri në orët e para të mëngjesit, dhe Labi nuk i ndahej Florit duke e pyetur për Fluturën e famshme!
