Presidenti turk Rexhep Tajip Erdogan tha se vendi nuk ka aspirata për të drejtat e njerëzve të tjerë, territoret, detet dhe burimet natyrore, por gjithashtu se nuk do të lejojë askënd të ketë pretendime kundër vendit të tij.
“Ne mbrojmë të drejtat dhe interesat e njerëzve tanë dhe të shtetit dhe miqve brenda dhe jashtë kufijve tanë, në tokë, ujë, në ajër dhe kudo. Ne shkuam pa hezitim dhe treguam vendosmëri dhe forcë kudo që shfaqej një kërcënim për vendin tonë, nga Iraku dhe Siria deri në Libi dhe Detin Egje”, tha ai.
“Ne i kapërcyem të gjitha truket ekonomike që u mbollën mbi ne dhe u treguam njerëzve që jemi me ta”, tha Erdogan.
“Zhurma e tepërt për shkak të Hagia Sofia-s”
Ai tha se deri vonë, Turqia ishte nën sanksione të vazhdueshme të fshehta, bllokada dhe kërcënime, dhe se tani është një vend me të cilin të gjithë duan të bashkëpunojnë.
Ai vlerësoi se Turqia edhe njëherë zhgënjeu ato qarqe që prisnin të hiqnin dorë nga kërcënimet dhe sulmet dhe tha se Ankaraja kishte një shans të merrte një pozitë shumë më të rëndësishme në rendin e ri botëror, politik dhe ekonomik pas pandemisë së virusit koronar.
Erdogan gjithashtu tha se disa vende kanë bërë zhurmë të tepërt ditët e fundit nën maskën e pakënaqësisë me vendimet sovrane të autoriteteve turke për statusin e Hagia Sophia-s dhe burimet në Detin Egje.
“Ne e dimë se kjo nuk është as për Hagia Sofia-n dhe as për Detin Egje, por që ata në fakt shqetësohen nga prania e popullit turk dhe e muslimanëve në këtë zonë. Të gjithë kanë filluar ngadalë ta kuptojnë këtë realitet dhe ngadalë do qetësohen dhe do rregullojnë retorikën e tyre”, tha ai.
Ai shtoi se vizionet e zhvillimit të Turqisë tashmë janë duke dhënë fryt, dhe se kundërshtarët me zë të lartë të përparimit të saj nuk po ndërmarrin asnjë hap konkret, sepse ata janë të vetëdijshëm për forcën që ka ky vend në të gjitha fushat.
“Sigurisht që kemi paguar një çmim të lartë për të gjitha sukseset, por njerëzit tanë kurrë në histori nuk kanë hezituar të paguajnë për arritjen e qëllimeve të tyre”, tha ai. /tesheshi
