Kryeministri Edi Rama mëngjesin e sotëm ka publikuar disa pamje me dron nga ‘Rruga e Arbërit’.
Krahas videos Rama shkruan se po shijohet edhe cilësia e një projekti të konceptuar me synimin për ta harmonizuar sa më shumë me natyrën.
Ndërkaq shton se ju uron një ditë të mbarë të gjithëve, e sidomos “disa miqve që kur shohin investimet në Jug shkruajnë se nuk qenka investuar në Veri”.
“MIRËMËNGJES dhe me këtë vështrim mbi Rrugën e Arbërit, ku shijohet edhe cilësia e një projekti të konceptuar me synimin për ta harmonizuar sa më shumë me natyrën, ndërhyrjen e thellë përgjatë një peizazhi fantastik natyror, ju uroj një ditë të mbarë të gjithëve, e sidomos në këtë rast, disa miqve këtu që nuk e di pse, po kur shohin investimet në Jug shkruajnë se nuk qenka investuar në Veri”, shkruan Rama.
